اەس سالۋ ماسەلەسىنە قاتىستى ۇلتتىق رەفەرەندۋم 6 قازاندا وتەدى، - دەپ حابارلايدى Dalanews.kz.
«اتوم ەلەكتر ستانساسىن سالۋ ماسەلەسىنە قاتىستى جالپىۇلتتىق رەفەرەندۋم بيىلعى 6 قازاندا وتەدى. بۇگىن ءتيىستى جارلىققا قول قويامىن. الداعى رەفەرەندۋم كەڭ اۋقىمدى جالپىۇلتتىق ديالوگتىڭ تاعى ءبىر ايقىن كورىنىسى بولماق. شىن مانىندە، بۇل – «حالىق ۇنىنە قۇلاق اساتىن مەملەكەتكە» ءتان سيپات. ءبىز وسىنداي قادامدار ارقىلى جاڭا قوعامدىق-ساياسي مادەنيەتتىڭ نەگىزىن قالايمىز. ماڭىزدى مەملەكەتتىك شەشىمدەر قابىلداۋدىڭ جاڭا ۇلگىسىن جاسايمىز»، - دەدى توقايەۆ.
پرەزيدەنت ءقازىر الەمدە ەنەرگيا تاپشىلىعى كۇشەيىپ بارا جاتقانىن ايتتى. ەلىمىزگە سەنىمدى جانە ەكولوگيالىق تازا قۋات كوزدەرى اسا قاجەت.
«ءبىز اتوم ەنەرگەتيكاسىن دامىتۋعا باسا ءمان بەرۋىمىز كەرەك دەپ ويلايمىن. سەبەبى ەكونوميكامىز كۇن وتكەن سايىن مول ەنەرگيانى قاجەت ەتۋدە. مۇنداي سۇرانىستى اتوم ەنەرگەتيكاسى قامتاماسىز ەتە الادى. ءقازىر دامىعان جانە دامۋشى 30 مەملەكەتتە 200-گە جۋىق اتوم ەلەكتر ستانساسى جۇمىس ىستەپ تۇر. ءبىز ەلىمىزدىڭ وزىنە ءتان ەرەكشەلىگىن جانە ۇزاق مەرزىمگە ارنالعان ۇلتتىق مۇددەلەرىمىزدى ەسكەرە وتىرىپ، تەك العا قاراي ءجۇرۋىمىز قاجەت. ءبىر سوزبەن ايتساق، بولاشاقتى ويلاۋىمىز كەرەك. سوندىقتان مەن اتوم ەلەكتر ستانساسىن سالۋعا قاتىستى بارىنشا بايىپتى شەشىم قابىلداۋ قاجەتتىگىن ۇدايى ايتىپ كەلەمىن. ستراتەگيالىق جوسپارلاردى قوعامدا كەڭىنەن تالقىلاۋ كەرەك دەپ سانايمىن. ەل ومىرىندەگى ءاربىر ماڭىزدى قادام جۇرتشىلىقپەن بىرلەسىپ جاسالۋعا ءتيىس. اتوم ەلەكتر ستانساسى تۋرالى رەفەرەندۋمعا قاتىستى دا ءدال سولاي بولۋى كەرەك. بىلتىر مەن بۇل ماسەلە بويىنشا ءوز پىكىرىمدى ايتتىم، ياعني، رەفەرەندۋم تاقىرىبىنىڭ قوعام تالقىسىنا تۇسكەنىنە ءبىر جىل بولدى. بۇل ازاماتتارىمىزدىڭ جان-جاقتى ويلانىپ، سالماقتى شەشىم قابىلداۋىنا جەتكىلىكتى مەرزىم دەپ ويلايمىن. سوندىقتان مەن ۇكىمەتتىڭ ۇسىنىسىن قولدايمىن»، -دەدى مەملەكەت باسشىسى.
رەسپۋبليكالىق رەفەرەندۋمعا قاتىسۋعا قۇقىعى بار ازاماتتاردىڭ تىزىمىندە ءوزىڭىزدى قالاي تەكسەرۋگە بولادى؟
