استاناعا فرانسيانىڭ ەنەرگەتيكالىق كومپانياسى Électricité de France (EDF) ساراپشىلارى تەحنيكالىق ساپارمەن كەلدى. ساپار اياسىندا فرانسۋزدىق EDF ساراپشىلارى قازاقستان رەسپۋبليكاسى ەنەرگەتيكا مينيسترلىگى مەن "قازاقستاندىق اتوم ەلەكتر ستانسيالارى" ج ش س (قاەس) وكىلدەرىمەن ءبىرقاتار ىسكەرلىك كەزدەسۋلەر وتكىزدى، دەپ حابارلايدى Dalanews.kz.
كەلىسسوز بارىسىندا اتوم ەنەرگەتيكاسى سالاسىنداعى ەكىجاقتى ىنتىماقتاستىقتىڭ نەگىزگى ماسەلەلەرى، سونىڭ ىشىندە تەحنيكالىق جوبالاردى بىرلەسە جۇزەگە اسىرۋ مۇمكىندىكتەرى تالقىلاندى.
"اتالعان ءىس-ساپار اياسىندا EDF وكىلدەرىنىڭ الماتى وبلىسى ۇلكەن اۋىلىنداعى اتوم ەلەكتر ستانسياسىن سالۋعا ارنالعان الەۋەتتى الاڭدى ارالاپ كورۋى جوسپارلانعان. بۇل اتالعان ساپاردىڭ ماڭىزدى تەحنيكالىق بولىگى، سونداي-اق ول اتوم ەلەكتر ستانسياسىن سالۋ مۇمكىندىكتەرىن الدىن الا زەرتتەۋگە جانە جوبانىڭ تەحنيكالىق تالاپتارىنا سايكەستىگىن باعالاۋعا مۇمكىندىك بەرەدى. EDF ساراپشىلارىنىڭ بۇل ساپارى اتوم ەنەرگەتيكاسى سالاسىندا بىرلەسكەن جوبالاردى جۇزەگە اسىرۋ مۇمكىندىكتەرىن تىڭعىلىقتى زەرتتەپ، ىنتىماقتاستىقتى نىعايتۋ جولىنداعى ماڭىزدى قادام سانالادى"، دەلىنگەن قاەس حابارلاماسىندا.
ايتا كەتسەك، EDF - الەمدەگى ەڭ ءىرى اتوم ەلەكتر ستانسيالارىن باسقاراتىن كومپانيا. قازىرگى ۋاقىتتا EDF جالپى ورناتىلعان قۋاتى 67،2 گۆت بولاتىن اتوم پاركىن ءقاۋىپسىز باسقارىپ وتىر (65 رەاكتور، ونىڭ 56-سى فرانسيادا ورنالاسقان)، بۇل الەمدە پايدالانىلاتىن بارلىق اتوم ەلەكتر ستانسيالارىنىڭ شامامەن 18%-ىن قۇرايدى.
