استانادا اەس سالۋ بويىنشا تالقىلاۋعا بارماق بولعان بەلسەندٸ مەيٸرحان ەبدٸماناپوۆتى پوليتسەيلەر ۇستاپ ەكەتكەن. نەتيجەسٸندە, سوت وعان ايىپپۇل سالدى, دەپ حابارلايدى Dalanews.kz.
ول كٷنٸ كەشە 19 تامىزدا تٷندە سوتتان شىققاننان كەيٸن ەلەۋمەتتٸك جەلٸدە بولعان جايتتى تارقاتىپ ايتىپ بەردٸ.
بەلسەندٸگە“بەيبٸت جيىن ٶتكٸزۋ تەرتٸبٸن بۇزدى” دەگەن ايىپ تاعىلعان جەنە سوت 129 مىڭ تەڭگە كٶلەمٸندە ايىپپۇل سالعان.
“دٷيسەنبٸ كٷنٸ مەن اەس بويىنشا جارييا تالقىعا قاتىسۋ ٷشٸن استاناعا اۆتوبۋسپەن بارماق بولدىم. وسى سەتتە ەكٸ پوليتسييا قىزمەتكەرٸ كٶلٸكتٸ توقتاتىپ, مەنٸ الىپ قالدى. مەنٸ ۇستاۋعا بايلانىستى ولاردىڭ ەشقانداي قۇجاتى جوق. زاڭسىز تٷردە كٷش قولدانىپ, 5-6 مينۋتتاي الىسقاننان كەيٸن الاتاۋ اۋداندىق پوليتسييا بٶلٸمشەسٸنە الىپ كەتتٸ”, - دەيدٸ ول.
وسىلايشا پوليتسييا بٶلٸمشەسٸندە 7-8 ساعات ۇستاپ, اقپان ايىندا جۋرناليست دۋمان مۇحاممەدكەرٸمنٸڭ سوتىنا قاتىسقانى ٷشٸن 488-باپ, 11-بٶلٸگٸ بويىنشا حاتتاما تولتىرعان.
“وسىنداي زاڭسىزدىق جٷرٸپ جاتىر. ۇستاۋلارى زاڭسىز, شەشٸمدەرٸ زاڭسىز, بەرٸ زاڭسىز”, - دەدٸ مەيٸرحان ەبدٸماناپوۆ.
بۇعان دەيٸن, سەمەيدە قوعام بەلسەندٸسٸ ەلدوس دوسانوۆ قازاقستاندا اتوم ەلەكتر ستانتسيياسىنىڭ قۇرىلىسىن تالقىلاۋ كەزٸندە ۇستالعان ەدٸ.
#NotExtremists Telegram ارناسى بەلسەندٸنٸڭ 15 تەۋلٸككە قاماۋعا الىنعانىن مەلٸمدەدٸ.
"ەلدوس دوسانوۆ 667-باپ ("پوليتسييا تالاپتارىنا باعىنباۋ") بويىنشا 15 تەۋلٸككە قاماۋعا الىندى", - دەلٸنگەن حابارلامادا.
ەسكە سالا كەتەيٸك, سەمەيدە اەس قۇرىلىسىنا قاتىستى قوعامدىق تىڭداۋ ٶتٸپ, بەلسەندٸ ەلدوس دوسانوۆتى زالدان شىعارىپ, پاترۋلدٸك كٶلٸككە وتىرعىزىپ, پوليتسييا بٶلٸمشەسٸنە جەتكٸزگەن بولاتىن. پوليتسييا ونىڭ ۇستالۋىن "بيلٸك ٶكٸلٸنٸڭ تالاپتارىنا باعىنباۋ" دەپ تٷسٸندٸردٸ.
