Astanada AES salý boiynsha talqylaýǵa barmaq bolǵan belsendi Meiirhan Ábdimanapovty politseiler ustap áketken. Nátijesinde, sot oǵan aiyppul saldy, dep habarlaidy Dalanews.kz.
Ol kúni keshe 19 tamyzda túnde sottan shyqqannan keiin áleýmettik jelide bolǵan jaitty tarqatyp aityp berdi.
Belsendige“Beibit jiyn ótkizý tártibin buzdy” degen aiyp taǵylǵan jáne sot 129 myń teńge kóleminde aiyppul salǵan.
“Dúisenbi kúni men AES boiynsha jariia talqyǵa qatysý úshin Astanaǵa avtobýspen barmaq boldym. Osy sátte eki politsiia qyzmetkeri kólikti toqtatyp, meni alyp qaldy. Meni ustaýǵa bailanysty olardyń eshqandai qujaty joq. Zańsyz túrde kúsh qoldanyp, 5-6 minýttai alysqannan keiin Alataý aýdandyq politsiia bólimshesine alyp ketti”, - deidi ol.
Osylaisha politsiia bólimshesinde 7-8 saǵat ustap, aqpan aiynda jýrnalist Dýman Muhammedkárimniń sotyna qatysqany úshin 488-bap, 11-bóligi boiynsha hattama toltyrǵan.
“Osyndai zańsyzdyq júrip jatyr. Ustaýlary zańsyz, sheshimderi zańsyz, bári zańsyz”, - dedi Meiirhan Ábdimanapov.
Buǵan deiin, Semeide qoǵam belsendisi Eldos Dosanov Qazaqstanda atom elektr stantsiiasynyń qurylysyn talqylaý kezinde ustalǵan edi.
#NotExtremists Telegram arnasy belsendiniń 15 táýlikke qamaýǵa alynǵanyn málimdedi.
"Eldos Dosanov 667-bap ("politsiia talaptaryna baǵynbaý") boiynsha 15 táýlikke qamaýǵa alyndy", - delingen habarlamada.
Eske sala keteiik, Semeide AES qurylysyna qatysty qoǵamdyq tyńdaý ótip, belsendi Eldos Dosanovty zaldan shyǵaryp, patrýldik kólikke otyrǵyzyp, politsiia bólimshesine jetkizgen bolatyn. Politsiia onyń ustalýyn "bilik ókiliniń talaptaryna baǵynbaý" dep túsindirdi.
