تالعارداعى جاپپاي تٶبەلەس كەزٸندە قازا تاپقان شەرزات بولات تاراپىنىڭ ادۆوكاتى سايدا تەۋەكەلوۆا جاسٶسپٸرٸمنٸڭ اعاسىنىڭ ٶلٸ تابىلۋىنا قاتىستى مەلٸمدەمە جاسادى, دەپ حابارلايدى Dalanews.kz ۇلىسمەدياعا سٸلتەپ.
سايدا تەۋەكەلوۆا مارقۇمنىڭ اعاسى نۇرقانات عايىپباەۆ كٶز جۇمعانىن راستادى. "چەمودان گوسسەكرەتوۆ" تەلەگرام-ارناسىندا “شەرزات بولاتتىڭ اعاسى تٶبەلەس كەزٸندە قارۋدى بٸرٸنشٸ الىپ شىققان, سول ٷشٸن ٶزٸن ايىپتى سەزٸنٸپ, ٶز-ٶزٸنە قول سالعان” دەگەن اقپارات تاراعان.
"مارقۇمنىڭ تەرگەۋ بارىسىندا بەرگەن جاۋاپتارىنان ونىڭ قاتتى قوبالجىعانىن, ٸنٸسٸنٸڭ ٶلٸمٸنە ٶزٸن كٸنەلٸ دەپ ساناعانىن بايقاۋعا بولادى. سۋيتسيد جاساۋىنىڭ دا سەبەبٸ سول بولۋى مٷمكٸن", دەلٸنگەن تەلەگرامداعى جازبادا.
ادۆوكات تەۋەكەلوۆا بۇل نۇسقانى جوققا شىعاردى.
پوليتسييا دا نۇرقانات عايىپباەۆتىڭ مەرت بولعانىن راستادى
الماتى وبلىستىق پوليتسييا دەپارتامەنتٸ مەلٸمەتٸنشە, تالعار قالاسىنىڭ ماڭىنان 30 جاستاعى ەر ادامنىڭ دەنەسٸ تابىلعان. الدىن الا مەلٸمەتتەرگە سەيكەس, ول اسىلىپ, ٶز-ٶزٸنە قول جۇمساعان.
"مارقۇم بيىل 4 قازاندا قايعىلى جاعدايدا قازا تاپقان كەمەلەتكە تولماعان شەرزات بولاتتىڭ اعاسى ەكەنٸ انىقتالدى. بۇل دەرەك بويىنشا قىلمىستىق ٸس قوزعالدى. قازٸر بارلىق جاعدايدى انىقتاۋ ٷشٸن تەرگەۋ جٷرگٸزٸلٸپ جاتىر. قىلمىستىق سيپاتتاعى قانداي دا بٸر بەلگٸلەر انىقتالمادى", - دەپ جازىلعان حابارلامادا.
پوليتسييا مارقۇم شەرزات بولاتتىڭ وتباسى بارلىق ۋاقىتتا پوليتسەيلەردٸڭ قورعاۋىندا بولعانىن مەلٸمدەدٸ.
"مارقۇمنىڭ وتباسىنا قاتىستى قانداي دا بٸر قاۋٸپ-قاتەر تٸركەلگەن جوق. كٷزەتكەن قىزمەتكەرلەردٸڭ سٶزٸنشە, ەر ادام كٷزەتٸلەتٸن نىساننان ساعات 23:30-دا شىعىپ, جەكە كٶلٸكپەن كەتكە. تەرگەۋ مٷددەسٸ ٷشٸن ٶزگە دە اقپارات جارييالانبايدى", - دەپ جازىلعان حابارلامادا.
پوليتسييا تەك رەسمي دەرەككٶزدەرگە سەنۋدٸ سۇرادى. سونداي-اق, جالعان اقپارات تاراتۋ قىلمىستىق جاۋاپكەرشٸلٸككە دەيٸن ەكەلۋٸ مٷمكٸن كەنٸن ەسكە سالدى.
ەسكە سالايىق, بۇعان دەيٸن تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم كٶز جۇمدى. جانجال جٸگٸتتٸڭ وتباسى جالعا الاتىن دٷكەننەن باستالعان. تۋىستارىنىڭ ايتۋىنشا, دٷكەنگە كەلگەن ساتىپ الۋشى سىرا الىپ, اقشاسىن تٶلەۋدەن باس تارتقان. وسى جاعدايدان كەيٸن تٶبەلەس باستالعان.
كەمەلەتكە تولماعان بالانى ٶلتٸرۋ دەرەگٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى. قازٸر كٷدٸكتٸلەر ۇستالىپ, ۋاقىتشا ۇستاۋ يزولياتورىنا قاماۋعا الىنعان.
الماتى وبلىستىق پوليتسييا دەپارتامەنتٸ باستىعىنىڭ مٸندەتٸن اتقارۋشى شالقاروۆ تٶبەلەستەن كەيٸنقانشا قارۋ تەركٸلەنگەنٸن دە ايتتى.
ودان كەيٸن شەرزاتتىڭ ٷيٸنە كٷزەت قويىلدى. كٶپ ۇزاماي مارقۇم شەرزاتتىڭ ٷيٸ ٶرتەندٸ.
