رەداكسيادان: سايتىمىزعا الەۋمەتتىك جەلى قولدانۋشىسى جانىبەك قوجىقتىڭ جەكە پاراقشاسىنداعى «جىگىتتەردىڭ قازان اسىپ، شاي قايناتقانىن قالاي تۇسىنەمىز؟» دەگەن (تاقىرىبىن رەداكسيا قويعان) جازباسىن جاريالاپ ەدىك، كوپشىلىك قاۋىم بۇل ماسەلەنى قىزۋ تالقىلادى. جازباعا پىكىر قالدىرعان كوپشىلىكتىڭ اراسىنان بۇل ماسەلەنى جىلىكتەپ تۇسىندىرگەن Carnivore Solitarius ەسىمدى جازباگەردىڭ ويى ءبىزدىڭ نازارىمىزدى اۋداردى. وسى ءبىر سالماقتى ويدى وقىرماندارىمىزبەن ءبولىسۋدى ءجون سانادىق.

 

ماڭعىستاۋ ءوڭىرى مەن اتىراۋ وبلىسىنىڭ جىلوي اۋدانى اۋماعىندا اداي رۋىنىڭ مەكەندەيدى. جاۋگەرشىلىك زاماندا ادايلارعا عانا ءتان ءبىر قۇبىلىس بولعان. ول – كوپشىلىك باس قوساتىن جيىن-توي مەن اس-ساداقالاردا حالىققا ازىرلەنەتىن استى ەر ادامدار دايىنداعان.

مۇنىڭ وزىندىك سەبەبى بار. ەرتە زامانداردا ادايلاردىڭ العان ايەلدەرى نە قالماق، نە تۇرىكمەن قىزدارى بولعان. ياعني، ادايلارمەن جاۋلاسقان حالىقتىڭ قىزدارى ەدى. ايتالىق، قالماققا جاساعان كەزەكتى ءبىر جورىقتا ادايدىڭ باتىرلارى قالماقتىڭ قىزدارىن ولجالاپ، ايەلدىككە العان. وسىلايشا قالماق قىزدارى ادايلارعا ءسىڭىپ، كەلىن بولىپ كەتكەن.

بىردە ادايلارعا ابدەن كەكتەنگەن ءبىر ايەل ۇلكەن جيىندا جالپى حالىققا دايىندالعان اسقا مەڭدۋانانىڭ ۋىن سالىپ، بۇتكىل ەلدى ۋلايدى.

مىنە، وسى جاعدايدان كەيىن، ادايلار «استىڭداعى اتىڭا سەنسەڭدە قوينىڭداعى قاتىنىڭا سەنبە» ءتامسىل قالىپتاستىرعان.

وسى وقيعادان كەيىن ادايلار اراسىنداعى توي-تومالاق، ساداقا-استا ۇلكەن استى ادايلاردىڭ جاس جىگىتتەرى وزدەرى دايىندايتىن ادەت قالىپتاسقان. سوندىقتان بۇل جايتقا تۇسىنىستىكپەن قاراۋ كەرەك.

Carnivore Solitarius