– قازاق حالقىندا «بىرلىك بولماي – تىرلىك بولماس» دەگەن ماقال بار. تاۋەلسىزدىگىمىز تۇعىرلى، ەلدىگىمىز ماڭگى بولۋى ءۇشىن ەڭ الدىمەن مىقتى تاتۋلىق جانە تۇراقتىلىق كەرەك. تۇڭعىش پرەزيدەنتىمىز، ەلباسىمىز نۇرسۇلتان نازاربايەۆ ەلدىڭ ىنتىماعىن نىعايتۋ باعىتىندا وتە اۋقىمدى جۇمىستار اتقاردى. ەلباسى باستاماسىمەن قۇرىلعان قازاقستان حالقى اسسامبلەياسى بۇگىندە ەل بىرلىگىنىڭ ۇيىتقىسى، رۋحاني قۇندىلىقتاردىڭ قاينار كوزىنە اينالدى. قازاقتا «باعالاعانعا ب ا ق قونادى» دەگەن قاناتتى ءسوز بار. ءبىزدىڭ باعىمىز دا، بارىمىز دا – تاۋەلسىز قازاقستان! ازاتتىق كوكتەن تۇسە سالعان سىي ەمەس. ول – بابالاردىڭ قانىمەن، ەرلىگىمەن كەلگەن ۇلى باقىت. كەزىندە تۇركى ەلىنىڭ ۇلى قايراتكەرى كۇلتەگىن «تاتۋ ەلگە تىنىشتىق پەن توقشىلىق ءناسىپ» دەگەن ەكەن. ەندەشە بىرلىكتى تۋ ەتىپ، قازاقستاندى، تۇعىرلى تۇركىستاندى دامىتۋعا ۇلەس قوسايىق، اعايىن! وتباسىلارىڭىزعا اماندىق، باستامالارىڭىزعا ساتتىلىك تىلەيمىن! بىرلىكتىڭ مەرەكەسى قۇتتى بولسىن! – دەدى وبلىس اكىمى ءو. ەستاي ۇلى.
«بىرلىگى مەن تىلەگى ءبىر ەلمىز» اتتى مەرەكەلىك ءىس-شارا «گۇل مەكەنىم –تۇركىستان»، «قازاقستان» اتتى اندەرمەن جالعاسىن تاپتى. «ءبىرجان-سارا» وپەراسىنان ءۇزىندى ايتىلدى. ال تۇركىستان وبلىستىق قازاقستان حالقى اسسامبلەياسى ءتوراعاسىنىڭ ورىنباسارى، ايماقتىق يران بىرلەستىگىنىڭ ءتوراعاسى كاپار-پۋر نۋرسبەك قۇربان ۇلى ءوزىنىڭ جىلى لەبىزىن ءبىلدىرىپ، قۇتتىقتاۋ ءسوزىن جولدادى. سونداي-اق، ەلدى بىرلىككە ۇگىتتەيتىن ۇراندى سوزدەر ايتىلعان مەرەكەدە كوپشىلىك قاۋىم ءان مەن كۇيگە بولەندى.
