ٶزبەكستاننىڭ حالىق اقىنى جامول كامول (كامولوۆ) ەل پرەزيدەنتٸ شاۆكات ميرزيياەۆتەن تاشكەنتتەگٸ حالىقارالىق ەۋەجايعا بٸرٸنشٸ پرەزيدەنت يسلام كەرٸموۆتٸڭ ەسٸمٸن بەرۋ تۋرالى جارلىقتىڭ كٷشٸن جويۋىن سۇرادى.
«مەنٸڭ پٸكٸرٸمشە, يسلام كەرٸموۆتٸڭ ەسٸمٸن ۇلىقتاۋ تۋرالى قۇجات اسىعىس قابىلدانعان», — دەپ جازدى 77 جاستاعى اقىن. كەرٸموۆتٸڭ ەسٸمٸ بەرٸلەتٸن نىساندار سانى ٶتە كٶپ — «مۇراجايلار, ساياباقتار, جوعارعى وقۋ ورىندارى, ەسكەرتكٸشتەر, ۇيىمدار مەن كٶشەلەر».
«وسى ورىندى ما? ونىڭ ەسٸمٸن تاشكەنت حالىقارالىق ەۋەجايىنا بەرۋ — ارتىق كەتكەندٸك بولار», — دەدٸ ول Eltuz.com سايتىنا.
ٶزبەكستان پرەزيدەنتٸ شاۆكات ميرزيياەۆ 25 قاڭتاردا رەسپۋبليكانىڭ العاشقى پرەزيدەنتٸ يسلام كەرٸموۆتٸڭ ەسٸمٸن ۇلىقتاۋ تۋرالى جارلىققا قول قويدى. قۇجات بويىنشا, ەلدەگٸ بٸرقاتار نىسان مەن مەكەمەگە سونىڭ اتى بەرٸلەدٸ. ولاردىڭ اراسىندا تاشكەنت تەحنيكالىق ۋنيۆەرسيتەتٸ, اساكتاعى اۆتوموبيل زاۋىتى, فەرعاناداعى ٶنەر سارايى, تاشكەنتتەگٸ حالىقارالىق ەۋەجاي بار.
ونىڭ ٷستٸنە, پرەزيدەنت جارلىعىنا سەيكەس, ٶزبەكستاندا جىل سايىن كەرٸموۆتٸڭ تۋعان كٷنٸ (30 قاڭتار) اتاپ ٶتٸلەدٸ, ال 2 قىركٷيەك — بٸرٸنشٸ پرەزيدەنتتٸ ەسكە الۋ كٷنٸ دەپ جارييالاندى.
ٶزبەكستاندى 26 جىل بيلەگەن يسلام كەرٸموۆ 2016 جىلى 2 قىركٷيەكتە 78 جاسىندا قايتىس بولدى.
