سالتاناتتى كەزدەسۋ دوستىق ٷيٸندە ٶتتٸ. التىن جەنە كٷمٸس القالاردى تاپسىرۋ رەسٸمٸنە بٷكٸل ٶڭٸردٸڭ كٶپ بالالى انالارى قاتىستى. جۇبايىمەن ٷش ۇل مەن ٷش قىز تەربيەلەپ وتىرعان سۆەتلانا ۆاسيۋكەۆيچ ەرتٸس اۋدانىنان كەلدٸ. سۆەتلانانى حالىقارالىق ەيەلدەر كٷنٸمەن ٷنەمٸ ۇل-قىزدارى قۇتتىقتايدى.
– 8 ناۋرىز كٷنٸ ولار مەنٸ تاڭەرتەڭنەن قۇتتىقتاي باستايدى, – دەدٸ سۆەتلانا ۆاسيۋكەۆيچ. – ولار ٶزدەرٸ اشىق حاتتار مەن گٷلدەر جاساپ, سىيعا تارتادى. مەن ٷشٸن ەڭ باستى سىيلىق – بالالارىمنىڭ قۇتتىقتاۋلارى.
سونىمەن بٸرگە, «كٷمٸس القا» بەلگٸسٸ ابراروۆا شولپان, اسىلعازى دينارا, اۋعان ايىتجان, احمەتوۆا جٸبەك, بايزاقوۆا ناعيرا, قاليەۆا ايناش, قاپاسوۆا باقىتگٷل, كٶشكٸنباەۆا ايناگٷل, كٶشەرباەۆا ايناش, نۇرجانوۆا ايگٷل, نۇرحانوۆا سەنيتاس, ٶمەي كٷمٸس, پاناچۋحيدي ەليزاۆەتا, سماعۇلوۆا نازيگٷل جەنە شانشاروۆا اقمارالعا بەرٸلدٸ. جاقسىلىقوۆا كٷلانار, قۇرماناليەۆا شولپان جەنە تاسقارانوۆا تەتتٸگٷلگە «التىن القا» بەلگٸلەرٸ تاپسىرىلدى. ەيەلدەرگە ايتقان سٶزٸندە ايماق باسشىسى قوعامداعى بٸرلٸك پەن ىنتىماق نەزٸك جاندىلاردىڭ ارقاسى ەكەندٸگٸن اتاپ ٶتتٸ.
– سٸزدەر تەۋەلسٸز قازاقستاننىڭ ٶسكەلەڭ ۇرپاعىن تەربيەلەپ, ۇل-قىزدارىڭىزدىڭ باقىتى ٷشٸن, ياعني, ەلٸمٸزدٸڭ باقۋاتتىلىعى جولىندا ەڭبەك ەتٸپ كەلەسٸزدەر, – دەدٸ ەبٸلقايىر سقاقوۆ. – بٸز, ەر ازاماتتار سٸزدەرگە وتباسىنداعى قامقورلىق, جارقىن بولاشاق قۇرۋداعى ەڭبەكتەرٸڭٸز ٷشٸن مەڭگٸ-باقي قارىزدارمىز. سٸزدەرگە مىقتى دەنساۋلىق, تاماشا كٶڭٸل-كٷي, ٶمٸرلەرٸڭٸزدە جارقىن سەتتەردٸڭ كٶپ بولۋىن تٸلەيمٸن.
قازٸرگٸ تاڭدا پاۆلودار وبلىسىندا 12 مىڭنان استام كٶپ بالالى وتباسى تۇرىپ جاتىر. «كٷمٸس القا» بەلگٸسٸ التى بالا تەربيەلەپ وتىرعان, ال, «التىن القا» التى جەنە ودان دا كٶپ بالالار ٶسٸرٸپ جاتقان انالارعا بەرٸلەدٸ.
تاعاى وقىڭىز:
https://dalanews.kz/50285
