اباي قۇنانبايۇلىنىڭ 180 جىلدىق مەرەيتويىنا وراي اباي وبلىسىندا ۇلتتىق رۋحتى ۇلىقتاپ, سالاۋاتتى ٶمٸر سالتىن ناسيحاتتاۋعا باعىتتالعان بٸرقاتار سپورتتىق ٸس-شارالار ۇيىمداستىرىلادى. بۇل جٶنٸندە اباي وبلىسى وليمپيادالىق سپورت تٷرلەرٸ بويىنشا جوعارى سپورت شەبەرلٸگٸ مەكتەبٸنٸڭ ديرەكتورى مۇحيت تۇرسىنوۆ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا مەلٸمدەدٸ,- دەپ حابارلايدى Dalanews.kz
ونىڭ ايتۋىنشا, 4 تامىز كٷنٸ سەمەي قالاسىندا كٷشتٸك ەكستريم بويىنشا «سەمەي باتىرى» اتتى اشىق تۋرنير ٶتكٸزۋ جوسپارلانعان. سونىمەن قاتار, 3–6 تامىز ارالىعىندا قازاق كٷرەسٸنەن قازاقستان رەسپۋبليكاسى كۋبوگىنىڭ جەڭٸمپازدارى انىقتالادى. ال 7 تامىز كٷنٸ اباي جولىنا تاعزىم رەتٸندە سەمەي مەن قاراۋىل باعىتى بويىنشا 180 شاقىرىمدىق ۋلترامارافون ۇيىمداستىرىلىپ, ۇلتتىق مۇرا مەن تاريحي جادىعا قۇرمەت كٶرسەتٸلەتٸن بولادى.
مەرەيتوي اياسىنداعى ماڭىزدى سپورتتىق ٸس-شارالاردىڭ بٸرٸ – 7–10 تامىز كٷندەرٸ اباي اۋدانىنىڭ قاراۋىل اۋىلىندا ٶتەتٸن «جەتٸ قازىنا» جوباسى بولماق. بۇل تۋرالى بۇعان دەيٸن ٶتكەن باسپاسٶز مەسليحاتىندا اباي اۋدانىنىڭ ەكٸمٸ مەيٸرجان سماعۇلوۆ تا اتاپ ٶتكەن بولاتىن.
– اۋقىمدى باعدارلامادا دەستٷرلٸ ساداق اتۋ, قۇسبەگٸلٸك, تازى جارىسى, توعىزقۇمالاق, قازاق كٷرەسٸ جەنە ات سپورتى ويىندارىنىڭ بٸرنەشە تٷرلەرٸ قامتىلعان. جارىستار جورعا جارىسى, توپ بەيگە, الامان بەيگە سەكٸلدٸ ات سپورتىن, سونداي-اق قازاق كٷرەسٸنٸڭ «ٶگٸز پالۋان» (74 كگ دەيٸنگٸ سالماق) جەنە «تٷيە پالۋان» (90 كگ-نان جوعارى سالماق) ساناتتارىن قامتيدى, – دەپ اتاپ ٶتتٸ سپيكەر.
سپيكەردٸڭ ايتۋىنشا, ۇلتتىق سپورت تٷرلەرٸندە جەڭٸسكە جەتكەندەرگە اسا قوماقتى جٷلدەلەر تاعايىندالعان. مەسەلەن, الامان بەيگەدە بٸرٸنشٸ ورىندى جەڭٸپ العان شاباندوزعا نارىقتىق قۇنى 22 ميلليون تەڭگەگە دەيٸن جەتەتٸن زاماناۋي اۆتوكٶلٸك تابىستالادى. توعىزقۇمالاق ويىنىنىڭ ٷزدٸگٸنە وتاندىق ٶندٸرٸستەن شىققان Lada Granta كٶلٸگٸ, ال قازاق كٷرەسٸنٸڭ «تٷيە پالۋان» سالماعىندا جەڭٸسكە جەتكەن بالۋانعا Chevrolet Monza ماركالى اۆتوكٶلٸك سىيعا بەرٸلەدٸ. دەستٷرلٸ ساداق اتۋ مەن قۇسبەگٸلٸك جارىستارىنىڭ جەڭٸمپازدارىنا ٷش باس جىلقىعا دەيٸن, سونداي-اق جەكەلەگەن سايىستاردا 2 ميلليون تەڭگەگە دەيٸنگٸ اقشالاي سىياقى مەن 1–5 باس ارالىعىنداعى اسىل تۇقىمدى جىلقىلار بەرٸلەدٸ.
– بۇل دودالارعا اباي وبلىسىنىڭ اتىنان ەلٸمٸزدٸڭ جەنە حالىقارالىق ارەنالاردا جەڭٸسكە جەتكەن تەجٸريبەلٸ سپورتشىلارىمىز قاتىسادى. ولار – توعىزقۇمالاقتان ەلەم جەنە ازييا چەمپيوناتتارىنىڭ جٷلدەگەرٸ يساحان ايانا, قۇسبەگٸلٸكتەن دٷنيەجٷزٸلٸك كٶشپەندٸلەر ويىندارىنىڭ كٷمٸس جٷلدەگەرٸ ەرزات بايقاداموۆ, ساداق اتۋدان حالىقارالىق سايىستاردىڭ جەڭٸمپازدارى اسقاربەك ۋساباەۆ, تەمٸرلان تٷسٸپحانوۆ جەنە ەلزات ماۋسىمبەك. سونىمەن قاتار قازاق كٷرەسٸنەن قازاقستان جەنە ازييا بٸرٸنشٸلٸكتەرٸنٸڭ جەڭٸمپازدارى مەن جٷلدەگەرلەرٸ – ديدار تۇقىشەۆ, ەسحات تۇرسىنبەك, دەۋرەن نۋرالينوۆ سىندى بالۋاندار بوزكٸلەمگە شىعادى, – دەدٸ مۇحيت تۇرسىنوۆ.
