اباي ۋنيۆەرسيتەتىنىڭ پروفەسسورى اقش-تا FETC-2024 كورمەسىنە قاتىستى

Dalanews 16 اقپ. 2024 12:19 1885

تاياۋدا اقش-تىڭ فلوريدا شتاتىنداعى ورلاندو قالاسىندا وتكەن FETC-2024 (Future of Education Technology Conference) كورمەسىنە اباي ۋنيۆەرسيتەتىنىڭ زەرتتەۋشى-پروفەسسورى جانات نۇربەكوۆا قاتىستى، – دەپ حابارلايدى Dalanews.kz.

FETC-2024 كورمەسى قاتىسۋشىلاردى ءبىلىم بەرۋ تەحنولوگياسىنىڭ سوڭعى جەتىستىكتەرىمەن تانىستىرىپ، ولارمەن تىكەلەي ءوزارا ارەكەتتەسۋگە مۇمكىندىك بەردى.

كورمە EDTECH سالاسىنداعى جەتەكشى ازىرلەۋشىلەر مەن يننوۆاتورلاردىڭ يننوۆاسيالىق ونىمدەرى مەن شەشىمدەرىن كورسەتۋگە ارنالعان اشىق الاڭ ۇسىندى. بۇل ءبىلىم بەرۋ ماماندارى، مۇعالىمدەر مەن پروفەسسورلار ءۇشىن IT-ۆەندەرلەرمەن تىكەلەي بايلانىس ورناتۋدىڭ، وقۋ ۇدەرىسىنە جاڭا تەحنولوگيالاردى ەنگىزۋ جولدارىن تالقىلاۋدىڭ جانە ساراپشىلاردان قۇندى ۇسىنىستار الۋدىڭ بىرەگەي مۇمكىندىگى.

قاتىسۋشىلار بۇل يننوۆاسيالاردى بەلسەندى تۇردە سىناپ، ولاردىڭ ارتىقشىلىقتارىن جانە ازىرلەۋشىلەرمەن ولاردى ءبىلىم بەرۋ ورتاسىندا پايدالانۋ مۇمكىندىكتەرىن تالقىلاي الدى.

سونىمەن قاتار، كورمە تاجىريبە مەن يدەيالارمەن الماسۋعا ىقپال ەتەتىن ءار ءتۇرلى ەلدەر مەن سالالاردىڭ ماماندارى اراسىنداعى جەلىلىك ءوزارا ارەكەتتەسۋ الاڭىنا اينالدى.

بۇل ءبىلىم بەرۋ تەحنولوگيالارى سالاسىنداعى جاھاندىق ىنتىماقتاستىققا ىقپال ەتەتىنى، سونداي-اق بولاشاق سەرىكتەستىكتەر مەن جوبالار ءۇشىن جاڭا كوكجيەكتەر اشاتىنى ءسوزسىز. كورمە الاڭىنداعى ءارتۇرلى شەبەرلىك ساباقتار، سەمينارلار مەن پانەلدىك پىكىرتالاستار EDTECH سالاسىنداعى ترەندتەر مەن سىن-قاتەرلەردى تەرەڭىرەك تۇسىنۋگە مۇمكىندىك بەرەدى.

اباي ۋنيۆەرسيتەتىنىڭ زەرتتەۋشى-پروفەسسورى جانات نۇربەكوۆا AI IMAGE گەنەراتورلارىن پايدالانۋ تاقىرىپتارى، ءبىلىم بەرۋ پروسەسىندە AI-بوتتاردىڭ مۇمكىندىكتەرى جانە زەرتتەۋگە ارنالعان AI-قۇرالداردى قولدانۋدىڭ ۇزدىك تاجىريبەلەرى، سونداي-اق AR/VR،  AI-مەن ينتەگراسيالانعان جاڭا مۇمكىندىكتەرى، ناقتى ۋاقىتتا باعالاۋدا Google قۇرالدار مەن قىزمەتتەرىنىڭ ينتەراكتيۆتى وقىتۋدىڭ ديداكتيكالىق مۇمكىندىكتەرى قامتىلعان ءبىلىم بەرۋدە جاساندى ينتەللەكتتى قولدانۋعا ارنالعان مەگا-سەسسيالارعا كاسىبي قىزىعۋشىلىعىن اتاپ ءوتتى.

ەلىمىز ءۇشىن ءبىلىم بەرۋدەگى جاساندى ينتەللەكت (AI) تاقىرىبىنىڭ وزەكتىلىگى ەكى سالالىق مينيسترلىكتەردىڭ، ۋنيۆەرسيتەت باسشىلارىنىڭ قاتىسۋىمەن، سونداي-اق ولاردىڭ AI داۋىرىندەگى ءبىلىم بەرۋ جۇيەسىن سيفرلىق ترانسفورماسيالاۋداعى ماڭىزدى قادامدارىمەن ەرەكشەلەنەدى. بۇل زەرتتەۋشىلەر مەن يننوۆاتورلاردى جاڭا يدەيالاردى باتىل جۇزەگە اسىرۋعا ىنتالاندىرادى.


ۇسىنىلعان
سوڭعى جاڭالىقتار
x