اباي وبلىسىنىڭ وقۋشىلارى "EL UMITI" پرەمياسىندا 2 ميلليون تەڭگە ءبىلىم گرانتىن جەڭىپ الدى، - دەپ حابارلايدى Dalanews.kz. 

29 تامىز كۇنى ق ر ۇلتتىق مۋزەيىندە «El Umiti» پرەمياسىنىڭ جەڭىمپازدارىن ماراپاتتاۋ ءراسىمى ءوتتى. قازاقستاننىڭ تۇكپىر-تۇكپىرىنەن كەلگەن دارىندى ستۋدەنتتەر مەن وقۋشىلار وزدەرى بىرنەشە اي بويى ازىرلەگەن الەۋمەتتىك جوبالارىن تانىستىردى. بايقاۋ ناتيجەسىندە جەڭىمپازدارعا 500 000 تەڭگەدەن 2 000 000 تەڭگەگە دەيىن ءبىلىم گرانتتارى تابىستالدى.

قاتىسۋشىلار ەكى كەزەڭنەن قاتاڭ ىرىكتەۋدەن ءوتتى. العاشقى كەزەڭدە ولار 7 ءتۇرلى باعىت بويىنشا وقۋ كۋرستارىنا قاتىسىپ، جارىستاردا ب ا ق سىنادى. ال سوڭعى كەزەڭدە وزدەرىنىڭ الەۋمەتتىك جوبالارىن قورعادى.

اباي وبلىسىنىڭ «ءبىلىم-يننوۆاسيا» ليسەيىنىڭ 11-سىنىپ وقۋشىلارى ەراسىل جۇماباي، الديار ديۋسەنبەك جانە نۇرالي سۋلەيمەنوۆ ۇسىنعان «BILi’m INNOVATION» جوباسى ۇزدىك دەپ تانىلىپ، 1-ورىندى يەلەندى. جەڭىمپازدارعا 2 000 000 تەڭگە كولەمىندەگى ءبىلىم گرانتى تابىستالدى. بۇل جوبا وقۋشىلاردى پاندىك وليمپيادالارعا جانە عىلىمي جوبالارعا دايىنداۋدى كوزدەيدى. جوبا ساباقتان تىس ۋاقىتتا تەرەڭىرەك ءبىلىم الۋعا، ءارى وقۋشىلاردىڭ وقۋ ۇلگەرىمىن ارتتىرۋعا مۇمكىندىك بەرەدى.

«El Umiti» پرەمياسى – «El Umiti» كورپوراتيۆتىك قورىنىڭ بىرەگەي جوباسى. ول ءارتۇرلى سالالاردا ءوز-وزىن دامىتۋعا جانە جوعارى ناتيجەلەرگە قول جەتكىزۋگە باعىتتالعان. قازاقستان بويىنشا جوباعا 800 بالا تىركەلگەن.

فينالعا جەتكەن 10 جوبا ىشىندە اباي وبلىسىنان ۇسىنىلعان جوبا جەڭىمپاز اتاندى.

اباي وبلىسى ءبىلىم باسقارماسىنىڭ باسپا ءسوز قىزمەتى