Abai oblysynyń oqýshylary "EL UMITI" premiiasynda 2 million teńge bilim grantyn jeńip aldy, - dep habarlaidy Dalanews.kz.
29 tamyz kúni QR Ulttyq mýzeiinde «El Umiti» premiiasynyń jeńimpazdaryn marapattaý rásimi ótti. Qazaqstannyń túkpir-túkpirinen kelgen daryndy stýdentter men oqýshylar ózderi birneshe ai boiy ázirlegen áleýmettik jobalaryn tanystyrdy. Baiqaý nátijesinde jeńimpazdarǵa 500 000 teńgeden 2 000 000 teńgege deiin bilim granttary tabystaldy.
Qatysýshylar eki kezeńnen qatań irikteýden ótti. Alǵashqy kezeńde olar 7 túrli baǵyt boiynsha oqý kýrstaryna qatysyp, jarystarda baq synady. Al sońǵy kezeńde ózderiniń áleýmettik jobalaryn qorǵady.
Abai oblysynyń «BILIM-INNOVATsIIa» litseiiniń 11-synyp oqýshylary Erasyl Jumabai, Aldiiar Diýsenbek jáne Nurali Sýleimenov usynǵan «BILi’m INNOVATION» jobasy úzdik dep tanylyp, 1-oryndy ielendi. Jeńimpazdarǵa 2 000 000 teńge kólemindegi bilim granty tabystaldy. Bul joba oqýshylardy pándik olimpiadalarǵa jáne ǵylymi jobalarǵa daiyndaýdy kózdeidi. Joba sabaqtan tys ýaqytta tereńirek bilim alýǵa, ári oqýshylardyń oqý úlgerimin arttyrýǵa múmkindik beredi.
«El Umiti» premiiasy – «El Umiti» Korporativtik qorynyń biregei jobasy. Ol ártúrli salalarda óz-ózin damytýǵa jáne joǵary nátijelerge qol jetkizýge baǵyttalǵan. Qazaqstan boiynsha jobaǵa 800 bala tirkelgen.
Finalǵa jetken 10 joba ishinde Abai oblysynan usynylǵan joba jeńimpaz atandy.
Abai oblysy bilim basqarmasynyń baspasóz qyzmeti
