اباي وبلىسىنىڭ مەدەنيەت, تٸلدەردٸ دامىتۋ جەنە ارحيۆ ٸسٸ باسقارماسىنىڭ باسشىسى جانجٸگٸت ومارحان ٶڭٸردەگٸ مەدەنيەت سالاسىنىڭ ارداگەرلەرٸمەن جەنە جاستار قاۋىمىمەن كەزدەستٸ. كەزدەسۋگە ەكٸ جٷزدەن اسا ادام قاتىستى, - دەپ حابارلايدى Dalanews.kz
جيىن باسىندا باسقارماعا قاراستى مەكەمەلەردٸڭ باسشىلارىن ورىندارىنان تۇرعىزىپ جۇرتشىلىققا كٶرسەتٸپ, الداعى ۋاقىتتا جۇمىستاردى وسى ازاماتتارمەن بٸرٸگٸپ اتقاراتىنىن اتاپ ٶتتٸ. باسقارمانىڭ قىسقا جەنە ۇزاق مەرزٸمدٸ جوسپارى جاسالاتىنىن ايتىپ, ٶڭٸرلٸك كٶركەمدٸك كەڭەس قۇرۋ, سونداي-اق «رۋحانييات ەلەمٸ» اتتى پورتال اشۋ تۋرالى باستامالارىن ۇسىندى. اتالعان پورتال ٶڭٸر رۋحانيياتىن كەڭٸنەن ناسيحاتتاپ, بار قۇندىلىقتى تسيفرلاندىرا وتىرىپ بٸر جەرگە جيناقتاپ, ەل مٷددەسٸ ٷشٸن قىزمەت ەتەتٸن ماڭىزدى الاڭعا اينالاتىنىن جەتكٸزدٸ.
كەزدەسۋ بارىسىندا مەدەنيەت سالاسىنداعى ٶزەكتٸ مەسەلەلەر, ونىڭ ٸشٸندە تەاتر ينفراقۇرىلىمىنا قاتىستى تٷيتكٸلدەر دە كٶتەرٸلدٸ.
«بٸر عيماراتتا ٷش تەاتر جۇمىس ٸستەپ وتىرعانىن وبلىس ەكٸمٸ بەرٸك ۋەلي مىرزانىڭ الدىندا كٶتەرگەم. اراسىنا اپتا سالماي سول مەسەلەنٸ مەملەكەت باسشىسى بۋرابايدا ٶتكەن IV ۇلتتىق قۇرىلتاي وتىرىسىندا ٶز اۋزىمەن ايتىپ «حالىق ٷنٸنە قۇلاق اساتىن مەملەكەت» قاعيداتىنىڭ ناقتى كٶرٸنٸسٸن دەلەلدەدٸ. مەسەلە جەتەر جەرٸنە جەتكەن ەكەن, ەكٸمگە راحمەت, ەندٸ شەشٸلەتٸن شىعار», - دەپ وي تٷيٸندەدٸ “اباي” قوعامدىق قورىنىڭ پرەزيدەنتٸ وتانتاي كەرٸبجانوۆ.
سونىمەن قاتار قولٶنەرشٸلەرگە ارنايى ورىن بٶلۋ, بەلگٸلٸ مەدەنيەت قايراتكەرٸ تەمٸرجان بازارباەۆتىڭ مەرەيتويىن ٶتكٸزۋ سيياقتى بٸرقاتار ۇسىنىستار ايتىلدى.
«بارلىق ۇسىنىستار مەن سۇراقتار نازارعا الىنادى. وسى جەردە حاتتاما تولتىرىلىپ جاتىر, ەرٸ قاراي جۇمىسقا كٸرٸسەمٸز, بٸزدٸڭ قۇزىرەتٸمٸزگە جاتپايتىندارى تيٸستٸ ورگاندارعا جەتكٸزٸلەدٸ, ٶزدەرٸڭٸزبەن بٸرگە جۇمىس جاسايمىز. قوردالانعان مەسەلەلەردٸڭ شەشٸمٸ بٸر كٷننٸڭ ەنشٸسٸندە ەمەس, كەزەڭ-كەزەڭٸمەن شەشەمٸز دەپ ويلايمىن», - دەدٸ جانجٸگٸت ابزالبەكۇلى.
