18 ماۋسىمدا اقوردادا ٶتكەن جيىندا مەملەكەت باسشىسى قاسىم-جومارت توقاەۆ "استانا مەديتسينا ۋنيۆەرسيتەتٸنە" ۇلتتىق مەرتەبە بەرٸلەتٸنٸن ايتتى, دەپ حابارلايدى dalanews.kz.
پرەزيدەنتتٸڭ سٶزٸنشە, بۇل جوعارى وقۋ ورنى ەلٸمٸزدەگٸ جەتەكشٸ مەديتسينالىق بٸلٸم بەرۋ مەكەمەلەرٸنٸڭ بٸرٸ رەتٸندە تانىلعان. ۋنيۆەرسيتەت بٷگٸندە تسيفرلىق دەنساۋلىق ساقتاۋ مەن بيومەديتسينا باعىتتارىن تابىستى دامىتىپ كەلەدٸ.
"ماڭدايالدى وتاندىق جوعارى مەكتەپتەردٸڭ بٸرٸ رەتٸندە تانىلعان "استانا مەديتسينا ۋنيۆەرسيتەتٸ’"تسيفرلىق دەنساۋلىق ساقتاۋ مەن بيومەديتسينانى تابىستى دامىتىپ كەلەدٸ. ٷكٸمەت اتالعان وقۋ ورنىنىڭ ايقىن جەتٸستٸكتەرٸن ەسكەرٸپ, ول ەڭ جوعارى – ۇلتتىق ۋنيۆەرسيتەت مەرتەبەسٸن الۋعا ەبدەن لايىق دەپ سانايدى. بۇل ۇسىنىستى قولدايمىن", – دەدٸ توقاەۆ.
سونىمەن قاتار مەملەكەت باسشىسى ۋنيۆەرسيتەتكە بەلگٸلٸ عالىم, وتاندىق تاعامتانۋ عىلىمى مەن پروفيلاكتيكالىق مەديتسينانىڭ نەگٸزٸن قالاۋشى, قازاقستاننىڭ ەڭبەك ەرٸ تٶرەگەلدٸ شارمانوۆتىڭ ەسٸمٸن بەرۋدٸ ۇسىندى.
بۇدان بٶلەك, قاراعاندى مەديتسينا ۋنيۆەرسيتەتٸنە وسى وقۋ ورنىنىڭ نەگٸزٸن قالاعان ەرٸ ونى ۇزاق جىل باسقارعان پەتر مويسەەۆيچ پوسپەلوۆتٸڭ اتى بەرٸلەتٸنٸ ايتىلدى. بيىل اتالعان ۋنيۆەرسيتەتتٸڭ قۇرىلعانىنا 125 جىل تولىپ وتىر.
ايتا كەتەيٸك, تٶرەگەلدٸ شارمانوۆ – بٷكٸل عۇمىرىن وتاندىق مەديتسينانى دامىتۋعا ارناعان بەلگٸلٸ نۋتريتسيولوگ. ول 12 جىل بويى دەنساۋلىق ساقتاۋ مينيسترلٸگٸن باسقارعان. 1974 جىلدان باستاپ قازاق تاعامتانۋ اكادەميياسىنا جەتەكشٸلٸك ەتتٸ.
شارمانوۆ دٷنيەجٷزٸلٸك دەنساۋلىق ساقتاۋ ۇيىمىنىڭ ەڭ جوعارى دەرەجەلٸ ەرەكشەلٸك بەلگٸسٸ سانالاتىن لەون بەرنارد سىيلىعىمەن جەنە باسقا دا كٶپتەگەن ماراپاتتارمەن ناگرادتالعان. بۇل ونىڭ مەديتسينا سالاسىنداعى ەڭبەگٸنٸڭ حالىقارالىق دەڭگەيدە مويىندالعانىن كٶرسەتەدٸ.
