جاڭا لوگوتيپ – اباي وبلىسىنىڭ رۋحاني، تاريحي جانە گەوگرافيالىق ەرەكشەلىكتەرىن كوركەم تۇردە بەينەلەيتىن سيمۆوليكالىق ءمانى بار تۋىندى.

ەندى ءاربىر ەلەمەنتتىڭ ماعىناسىن تۇسىندىرەيىك:

ABAI – زاماناۋي ستيلدە جازىلعانىمەن، ۇلتتىق ورنەك پەن تاريحي ءمان-ماعىناعا باي.

1. العاشقى ا – ەرتىس وزەنىنىڭ تولقىندارىمەن باستالىپ، سەمەيدىڭ سيمۆولى بولعان اسپالى كوپىردى بەينەلەيدى. كوپىر – دانەكەر. وتكەن مەن بۇگىندى، بۇگىن مەن ەرتەڭدى جالعايتىن ساباقتاستىق.

2. B جانە ەكىنشى ا – قوس قازاق ءۇي.

العاشقى “قازاق” گازەتىندە دە بەينەلەنگەن. بۇل سەمەيدى الاشتىڭ استاناسى بولعانىن ايتىپ تۇر. سونىمەن قاتار اباي مەن شاكارىم دەگەن ەمەۋرىندى بىلدىرەدى. بۇل – رۋحاني ساباقتاستىقتىڭ سيمۆولى. وسى ەكى ءارىپتىڭ ورتاسىندا ءسال تومەن تۇرعان – ۇكى. ول – كيە مەن قورعاۋشى كۇشتىڭ بەلگىسى.

سوڭعى ءارىپ – ءى.

بۇل ءارىپتى اباي ءبىلىم العان مەدرەسە دەپ جاتقاندار بار. بۇل جەردەگى ەڭ ماڭىزدىسى – ءى ءارپىنىڭ باسىنداعى نوقات. ياعني، تەمىرقازىق. بۇل – دامۋ مەن باعدار بەلگىسى. ۇلتىمىزدىڭ تەمىرقازىعى – اباي ءىلىمى.

لوگوتيپتىڭ استىڭعى سىزىقتارىنىڭ يىلگەن فورماسى ەرتىس وزەنىن ەسكە سالادى. بۇل – وبلىستىڭ گەوگرافيالىق وزەگى.