اۋىل مەكتەپتەرىنىڭ وقۋشىلارىنا ارنالعان وليمپيادانىڭ قورىتىندى كەزەڭىنە ءبارى 1088 وقۋشى قاتىستى. وليمپيادادا 170 مەدال ساراپقا سالىنعان. ونىڭ ىشىندە – 87 قولا، 51 كۇمىس جانە 32 التىن.
اۋىل مەكتەپتەرىنىڭ وقۋشىلارىنا ارنالعان ءى رەسپۋبليكالىق وليمپيادادا اباي وبلىسىنان 18 وقۋشى قاستىپ، ونىڭ 11ء-ى جەڭىمپاز اتاندى. بۇل وتە ۇلكەن كورسەتكىش.
وليمپيادا ناتيجەسى بويىنشا اباي وبلىسىنىڭ قورجىنىندا 1 التىن، 1 كۇمىس، 9 قولا مەدال ءتۇستى. جارما اۋدانىنىڭ 4 وقۋشىسى، ءۇرجار اۋدانىنىڭ 4 وقۋشىسى، بورودۋليحا اۋدانىنىڭ 2 وقۋشىسى، اقسۋات اۋدانىنىڭ 1 وقۋشىسى مەدال جەڭىپ الدى.
ءۇرجار اۋدانىنىڭ وقۋشىسىنا قاتىسقانى ءۇشىن گراموتا بەرىلدى. ال بورودۋليحا اۋدانىنداعى جەرنوۆكا ورتا مەكتەبىنىڭ 11-سىنىپ وقۋشىسى فولمەر پەتر استانا قالاسىنداعى International University-نە گرانت ۇتىپ الدى.
ايتا كەتەيىك، قورىتىندى كەزەڭنىڭ بارلىق قاتىسۋشىلارى «دارىن» رەسپۋبليكالىق سىرتتاي مەكتەبىنە قابىلدانادى. ال، I دارەجەلى ديپلوم يەگەرلەرى 2024 جىلعى جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ قورىتىندى كەزەڭىنە قاتىسادى.
اۋىل مەكتەپتەرىنىڭ وقۋشىلارىنا ارنالعان رەسپۋبليكالىق وليمپيادانىڭ قوعامدىق-گۋمانيتارلىق باعىتى 2024 جىلعى 22-28 قاڭتارى ارالىعىندا استانا قالاسىندا وتەدى. وعان اباي وبلىسىنان 18 وقۋشى قاتىسادى.
