قوعامدىق ءتارتىپتى ساقتاۋ ماقساتىندا وكم-نىڭ 43 قىزمەتكەرى جانە 13 ارنايى تەحنيكا جىبەرىلدى.
سونىمەن قاتار، ءورتتىڭ تارالۋىن بولدىرماۋ ءۇشىن ورمان ايماعىنا ىرگەلەس كوشەلەر، سونىڭ ىشىندە تاۋەلسىزدىك كوشەسى، وڭتۇستىك جانە پيونەرسكايا ش/ا جىرتىلدى.
ءورت ورنىندا ءتۇرلى ۆەدومستۆولاردان 786 مامان، 187 بىرلىك تەحنيكا جانە 9 تىكۇشاق جۇمىلدىرىلدى. بۇگىن تاڭەرتەڭ ساعات 5:35-تەن باستاپ تىكۇشاقتاردان جالپى كولەمى 263،5 توننا بولاتىن 93 سۋ اعىزىلدى.
تجم باسشىلىعىنىڭ بۇيرىعىمەن ورتپەن كۇرەسۋ ءۇشىن قوسىمشا كۇش جىبەرىلدى:
شقو تجد - 15 ادام جانە 5 بىرلىك تەحنيكا، 5:40-تا كەلدى.
قاراعاندى تجد - 29 ادام جانە 6 بىرلىك تەحنيكا، 17:40-تا شىعىپ، بورودۋليحاعا 11:00-دە كەلدى.
استانا تجد - 68 ادام جانە 12 بىرلىك تەحنيكا، 17:55-تە شىعىپ، كاشتاك ورمانىنا 10:35-تە كەلدى.
استانا تجد - 21 ادام جانە 5 بىرلىك تەحنيكا، 21:48-دە كەتىپ، سەمەي قالاسىنا 9:20-دا كەلىپ، 10:52-دە بورودۋليحاعا قاراي بەت الدى.
تج ءمينيسترى تجم كۇشتەرى مەن مۇمكىندىكتەرىن الماتى، جەتىسۋ جانە قىزىلوردا وبلىستارىنان قوسىمشا جىبەرۋدى بۇيىردى.
سەمەي قالاسىندا جاعداي قيىنداعان جاعدايدا، ونىڭ الدىن الۋ ءۇشىن 5 ءورت ءسوندىرۋ اۆتوسيستەرناسىنان جانە 1 ۆاحتادان تۇراتىن قوسىمشا كولوننا دايىندالدى. استانا، بورالداي، قىزىلوردا قالالارىنان قوسىمشا مي-8 تىكۇشاقتارىن جانە كوكشەتاۋدان Eurocopter EC145 كوپ ماقساتتى تىكۇشاعىن ءورت ورنىنا جىبەرۋ جوسپارلانۋدا.
ءورتتىڭ تارالۋ قاۋپىنە بايلانىستى سەمەي قالاسىنىڭ اكىمى تابيعي سيپاتتاعى جەرگىلىكتى اۋقىمداعى توتەنشە جاعداي جاريالادى.
جاعدايعا بايلانىستى جەدەل اقپارات ۇسىنۋ جالعاستىرىلادى.
اباي وبلىسىنىڭ باسپا ءسوز قىزمەتى.
