Qoǵamdyq tártipti saqtaý maqsatynda ÓKM-niń 43 qyzmetkeri jáne 13 arnaiy tehnika jiberildi.
Sonymen qatar, órttiń taralýyn boldyrmaý úshin orman aimaǵyna irgeles kósheler, sonyń ishinde Táýelsizdik kóshesi, Ońtústik jáne Pionerskaia sh/a jyrtyldy.
Órt ornynda túrli vedomstvolardan 786 maman, 187 birlik tehnika jáne 9 tikushaq jumyldyryldy. Búgin tańerteń saǵat 5:35-ten bastap tikushaqtardan jalpy kólemi 263,5 tonna bolatyn 93 sý aǵyzyldy.
TJM basshylyǵynyń buiryǵymen órtpen kúresý úshin qosymsha kúsh jiberildi:
ShQO TJD - 15 adam jáne 5 birlik tehnika, 5:40-ta keldi.
Qaraǵandy TJD - 29 adam jáne 6 birlik tehnika, 17:40-ta shyǵyp, Borodýlihaǵa 11:00-de keldi.
Astana TJD - 68 adam jáne 12 birlik tehnika, 17:55-te shyǵyp, Kashtak ormanyna 10:35-te keldi.
Astana TJD - 21 adam jáne 5 birlik tehnika, 21:48-de ketip, Semei qalasyna 9:20-da kelip, 10:52-de Borodýlihaǵa qarai bet aldy.
TJ ministri TJM kúshteri men múmkindikterin Almaty, Jetisý jáne Qyzylorda oblystarynan qosymsha jiberýdi buiyrdy.
Semei qalasynda jaǵdai qiyndaǵan jaǵdaida, onyń aldyn alý úshin 5 órt sóndirý avtotsisternasynan jáne 1 vahtadan turatyn qosymsha kolonna daiyndaldy. Astana, Boraldai, Qyzylorda qalalarynan qosymsha Mi-8 tikushaqtaryn jáne Kókshetaýdan Eurocopter EC145 kóp maqsatty tikushaǵyn órt ornyna jiberý josparlanýda.
Órttiń taralý qaýpine bailanysty Semei qalasynyń ákimi tabiǵi sipattaǵy jergilikti aýqymdaǵy tótenshe jaǵdai jariialady.
Jaǵdaiǵa bailanysty jedel aqparat usyný jalǵastyrylady.
Abai oblysynyń baspasóz qyzmeti.
