اباي وبلىس اكىمدىگى جانىنداعى سىبايلاس جەمقورلىققا قارسى ءىس-قيمىل جونىندەگى ۆەدومستۆوارالىق كوميسسيانىڭ كەزەكتى وتىرىسى ءوتتى. ايماق باسشىسى بەرىك ءۋاليدىڭ توراعالىعىمەن وتكەن جيىندا تۋريزم سالاسىنداعى سىبايلاس جەمقورلىق تاۋەكەلدەرىن سىرتقى تالداۋ ناتيجەلەرى جانە وبلىستىڭ كۆازيمەملەكەتتىك سەكتورىنداعى كومپلاەنس قىزمەتتەردىڭ جاي-كۇيى تالقىلاندى،– دەپ حابارلايدى Dalanews.kz
قازىرگى تاڭدا اباي وبلىسىندا ءوڭىر تۇرعىندارى مەن قوناقتارى اراسىندا ۇلكەن سۇرانىسقا يە 3 تۋريستىك نىسان بار.
ولار - الاكول جاعالاۋى، ابايدىڭ «جيدەباي-بورىلى» مۋزەي-قورىعى جانە اباي اۋدانىنداعى قوڭىر اۋليە ۇڭگىرى.
وتىرىستا تاريحي ەسكەرتكىشتەر ورنالاسقان جەرلەردە كاسىپكەرلىك قىزمەتپەن زاڭسىز اينالىسۋ فاكتىلەرىن جويۋ بويىنشا ۇسىنىستار ايتىلدى.
ماقانشى اۋدانىنىڭ اكىمى داۋرەن قويگەلدين بەينەرەجيم ارقىلى الاكول اۋماعىندا جەكە مەنشىككە زاڭسىز بەرىلگەن جەرلەردى قايتارۋ بويىنشا جۇرگىزىلىپ جاتقان جۇمىس جايىندا باياندادى. ءۇرجار اۋدانىنىڭ اكىمى اقىلبەك باشيمبايەۆ الاكول كۋرورتتىق ايماعىن سۋمەن جابدىقتاۋ شارالارى تۋرالى ايتتى.
ايماق باسشىسى وتىرىس قورىتىندىسى بويىنشا كاسىپكەرلىك باسقارماسىنا مۇددەلى مەملەكەتتىك ورگاندارمەن بىرلەسە وتىرىپ تۋريستىك ايماقتاردىڭ ينفراقۇرىلىمىنا تالداۋ جۇرگىزۋدى جانە كەشەندى جوسپار ازىرلەۋدى تاپسىردى. مادەنيەت باسقارماسىنا "جيدەباي-بورىلى" مۋزەي-قورىعى مەن قوڭىر اۋليە ۇڭگىرى تۋريستىك نىساندارى بويىنشا ايتىلعان ەسكەرتۋلەردى نازارعا الۋدى جۇكتەدى. وبلىس اكىمىنىڭ اپپاراتىنا جوبالاۋ كەڭسەسىنىڭ جۇمىسى مەن كۆازيمەملەكەتتىك سەكتورداعى كومپلاەنس قىزمەتتى جەتىلدىرۋ بويىنشا شارالار قابىلداۋدى مىندەتتەدى.
"زاڭسىز بەرىلگەن جەرلەر بويىنشا قۇقىق قورعاۋ ورگاندارىمەن بىرلەسە جۇمىس ىستەۋ كەرەك. اۋىلداردى اۋىز سۋمەن قامتاماسىز ەتۋ - مەملەكەت باسشىسىنىڭ نازارىنداعى ماسەلە. بۇل باعىتتاعى جۇمىستاردى جىل سوڭىنا دەيىن اياقتاۋىمىز قاجەت"، - دەدى ايماق باسشىسى.
