قازاقستان عالىمدارى وداعىنىڭ پرەزيدەنتٸ, قر ۇيا اكادەميگٸ, ەكونوميكا عىلىمدارىنىڭ دوكتورى, پروفەسسور ورازالى سەبدەن ەل-فارابي اتىنداعى قازۇۋ-دىڭ ساياساتتانۋ جەنە ساياسي تەحنولوگييالار كافەدراسىنىڭ ستۋدەنتتەرٸنە «اباي جەنە قازاق بولاشاعى» اتتى دەرٸس وقىدى. اتاقتى قوعام قايراتكەرٸ ٶزٸنٸڭ دەرٸسٸندە ۇلى دالا ويشىلى اباي قۇنانبايۇلىنىڭ قازاق حالقىنىڭ ٶمٸرٸندەگٸ رٶلٸ جەنە اقىن شىعارمالارى مەن ايتقان ٶسيەتتەرٸنٸڭ ماڭىزىنا توقتالدى.
«ٶز زامانىندا اباي ەركٸندٸك پەن قۇقىق, ادامگەرشٸلٸك تاقىرىپتارى مەن تاريحي مەسەلەلەردٸ كٶتەردٸ. ونىڭ ۇرپاقتارىنا قالدىرعان مول مۇراسى بٷگٸنگٸ تاڭدا دا ٶز ماڭىزدىلىعىن جويعان جوق», – دەدٸ ورازالى سەبدەن. مەرتەبەلٸ قوناق مۇحتار ەۋەزوۆتٸڭ «اباي سٶزٸ – حالىق سٶزٸ» دەگەن پٸكٸرٸمەن كەلٸسە وتىرىپ, قازاق جاستارىنىڭ ابايدىڭ باي پەلساپاسىن ارى قاراي دامىتا تٷسۋ كەرەكتٸگٸن ايتتى.
ورازالى سەبدەن اباي پەلساپاسىن بولاشاقتا مەملەكەت ساياساتىندا جەنە قوعامدىق ٶمٸردە پايدالانۋدىڭ ماڭىزدىلىعىنا دا توقتالدى.
اۆتورلىق كٸتابىن تالداي وتىرىپ, ورازالى سەبدەن ٶتكەن كٷن مەن بولاشاقتىڭ ٶزارا بايلانىسىنىڭ ەرەكشە ەكەنٸن ايتىپ, ول ەلەمدە نە بولىپ جاتىر, بٸز كٸم بولدىق, قازٸر كٸمبٸز جەنە بولاشاقتا بٸزدٸ نە كٷتٸپ تۇر, ٸشكٸ ساياساتتا بولىپ جاتقان مەسەلەلەر مەن رۋحاني قۇندىلىقتاردى قايتا جاڭعىرتۋ سيياقتى بٸرقاتار ماڭىزدى تاقىرىپتاردى ٶربٸتتٸ. ستۋدەنتتەر ورازالى سەبدەنگە العىستارىن ايتىپ, كەزدەسۋدٸڭ قازاق قوعامىنىڭ دامۋىنداعى ماڭىزدىلىعىن اتاپ ٶتتٸ.
«قمد» اقپارات
