اسقاق ٶنەردٸڭ اتاسى اباي اتىنداعى قازاق ۇلتتىق وپەرا جەنە بالەت تەاترى ٶزٸنٸڭ 90-شى ماۋسىمىن تاريح بەتٸنە ٶرنەكتەدٸ. مەرەيلٸ جىلدار بويى ٶمٸرٸن كيەلٸ ساحناعا, شىعارماشىلىققا, تەاترعا قىزمەت ەتۋگە ارناعان 126 ادال جانعا مەدەني وشاق ارنايى تٶسبەلگٸ مەن سىيلىق تابىستادى.
قوس مەرەيتويى – قارا شاڭىراقتىڭ 90 جىلدىعى مەن احمەت جۇبانوۆ-لاتيف حاميديدٸڭ «اباي» وپەرالىق سپەكتاكلٸنٸڭ 80 جىلدىعى تۇسپا-تۇس كەلگەن ماۋسىم, ەستەن كەتپەس مەرەكە سىيلادى. جاقسىنىڭ جاقسىلىعى اتالىپ, قۋانىشتان كٶڭٸل تاسىعان ماۋسىماشاردا تەاتر ۇجىمى اقساقالدارىنا قىزىل كٸلەم تٶسەپ, قوشەمەتپەن قارسى الدى. ماراپاتتالعان ارداگەرلەر ون جىلدان استام ۋاقىت بويى قارا شاڭىراقتا ٷزدٸكسٸز ەڭبەك ەتكەن ماماندار. ولاردىڭ قاتارىندا تەك ساحنا ەرتٸستەرٸ عانا ەمەس, كوستيۋم تسەحى, گريم مامانى, جارىق قويۋشى سيياقتى تەاتردىڭ بارلىق بٶلٸمٸنٸڭ بۇرىنعى قىزمەتكەرلەرٸ بار.
قۇرمەتتٸ قوناقتار قاتارىنان ۇلتىمىزدىڭ ماڭدايىنا بٸتكەن جارىق جۇلدىزدارى كسرو حالىق ەرتٸسٸ جەنە مەملەكەتتٸك سىيلىق يەگەرٸ بيبٸگٷل تٶلەگەنوۆا, قازاق كسر حالىق ەرتٸسٸ جەنە قازاق كسر مەملەكەتتٸك سىيلىعىنىڭ يەگەرٸ راۋشان بايسەيٸتوۆا, قازاقستان جەنە تاتارستان حالىق ەرتٸسٸ نۇرجامال ٷسەنباەۆا جەنە باسقا وپەرا مەن بالەت مايتالماندارى, قازاقستانداعى ديپلوماتييالىق ەلشٸلٸكتەردٸڭ قادٸرلٸ ٶكٸلدەرٸ تابىلدى.
- اباي اتىنداعى تەاتر «عاسىر الدىنداعى جاڭا بەلەسكە» اياق باستى. ەنە-مٸنە دەگەنشە, الداعى 10 جىلدا قارا شاڭىراعىمىز جٷز جاسايدى. وسىمەن 90 جىلعا نٷكتە قويىلاتىن تاريحي كٷندە ارداگەرلەردٸڭ باسىن قوسىپ, ەڭبەگٸنە راقمەت ايتىپ لايىقتى قۇرمەت كٶرسەتۋ, بٷگٸنگٸ ٶسكەلەڭ ۇرپاقتىڭ, ٶنەر ۇجىمىنىڭ بٸردەن-بٸر پارىزى دەپ ەسەپتەيمٸن. نەگە دەسەڭٸز, ادام ەڭبەگٸ بٸرٸنشٸ كەزەكتە ۇيىم تاراپىنان, ودان ارى قاراي قوعام, مەملەكەت تاراپىنان باعالانىپ تۇرعانى ماڭىزدى. بۇل ەسٸرەسە ٶنەر ادامىنا شابىتتانۋ ٷشٸن اسا قاجەت, سوندىقتان اباي اتىنداعى تەاتردا جاڭا ٷردٸس – ٶز قىزمەتكەرلەرٸنٸڭ ەڭبەگٸن جىلدا اتاپ ٶتەتٸن ەدەمٸ دەستٷر جول تارتتى, - دەدٸ اباي اتىنداعى قازۇوبت ديرەكتورى اينۇر كٶپباساروۆا.
تەاتر ارداگەرلەرٸن ماراپاتتاۋ سالتاناتىندا اسىلدىڭ تۇياعى راۋشان حاتيياتقىزى اناسىنىڭ اسا باعالى پورترەتٸ مەن كەزٸندە كٷلەش بايسەيٸتوۆانىڭ سپەكتاكلدەردە كيگەن بٸرنەشە باس كيٸمٸن ٶنەر ورداسىنىڭ مۇراجايىنا سىيلادى. قازاق كسر ەڭبەك سٸڭٸرگەن ٶنەر قايراتكەرٸ نيكولاي تسيۆچينسكيي سالعان سۋرەت بۇرىن-سوڭدى ەش جەردە جارييالانباعان جەنە ونىڭ ەرەكشە تاريحى بار.
ماۋسىماشاردا قوناقتارعا شاعىن مۋزىكالىق تارتۋ جاسالىپ, مەرەكەلٸ كەش احمەت جۇبانوۆ-لاتيف حاميديدٸڭ «اباي» وپەراسىن تاماشالاۋمەن تەمامدالدى.
اباي اتىنداعى قازاق ۇلتتىق وپەرا جەنە بالەت تەاترى وسىلايشا ٶزٸنٸڭ «عاسىر الدىنداعى جاڭا بەلەسٸن» – 91-شٸ ماۋسىمىن باستاپ كەتتٸ. دەستٷرگە ساي جاڭا ماۋسىمنىڭ ەكٸنشٸ كٷنٸندە پ. چايكوۆسكييدٸڭ «اققۋ كٶلٸ» بالەتتٸك سپەكتاكلٸ كٶرەرمەنٸنە جول تارتتى.
