قازاقستاننىڭ كٶلٸك مينيسترلٸگٸ استانا - فرانكفۋرت باعىتى بويىنشا ۇشقان Air Astana ەۋە كومپانيياسىنىڭ رەيسٸنە قاتىستى وقيعانى تەكسەرەدٸ, دەپ حابارلايدى dalanews.kz.
8 مامىردا KZR921 رەيسٸن ورىنداعان Airbus A321 ۇشاعى استانا حالىقارالىق ەۋەجايىنان ۇشىپ شىققاننان كەيٸن ەكيپاج قوزعالتقىشتاردىڭ بٸرٸندە اقاۋ پايدا بولعانىن انىقتاپ, PAN-PAN شۇعىل دابىلىن جارييالاعان. وسىدان كەيٸن ۇشاقتى اقتٶبەدەگٸ قوسالقى ەۋەجايعا قوندىرۋ تۋرالى شەشٸم قابىلدانعان.
ۇشاق بورتىندا 93 جولاۋشى, ونىڭ ٸشٸندە تٶرت بالا مەن بٸر نەرەستە, سونداي-اق, ەكيپاجدىڭ توعىز مٷشەسٸ بولعان. ەۋە كەمەسٸ اقتٶبە ەۋەجايىنا جەرگٸلٸكتٸ ۋاقىتپەن ساعات 11:34-تە شتاتتىق رەجيمدە قونعان.
الدىن الا مەلٸمەت بويىنشا وقيعا ۇشاقتىڭ كٷشتٸك قوندىرعىسىنداعى تەحنيكالىق اقاۋعا بايلانىستى بولعان. قازٸر زارداپ شەككەندەر مەن ەۋە كەمەسٸ زاقىمدانعانى تۋرالى اقپارات جوق.
مينيسترلٸك بۇل جاعدايدى اۋىر اۆياتسييالىق وقيعا رەتٸندە تٸركەپ, تەرگەۋدٸ كٶلٸكتەگٸ وقيعالاردى تەرگەپ-تەكسەرۋ دەپارتامەنتٸ جٷرگٸزەتٸنٸن مەلٸمدەدٸ.
