پەتروپاۆل قالاسىندا جەدەل جاردەم بريگاداسى قۇرمانىڭ سۇيەگىنە قاقالىپ، تۇنشىعا باستاعان زەينەتكەردىڭ ءومىرىن ساقتاپ قالدى، دەپ حابارلايدى Dalanews.kz.
وبلىستىق جەدەل مەديسينالىق جاردەم ورتالىعىنىڭ باسپا ءسوز قىزمەتىنىڭ مالىمەتىنشە، 103 پۋلتىنە 90 جاستاعى ايەلدىڭ قاقالىپ، تىنىسى تارىلىپ جاتقانى تۋرالى قوڭىراۋ تۇسكەن.
دارىگەرلەر جەتكەنگە دەيىن قارت ايەلدىڭ دەنەسى كوگەرىپ كەتكەن. كەيىن جەدەل جاردەم ورتالىعىنىڭ وكىلدەرى ونىڭ پرەكوما جاعدايىندا بولعانىن ءتۇسىندىردى.
«ناۋقاس ەس-تۇسسىز كۇيدە بولدى، دەم الۋعا ارەكەتتەنگەنىمەن، وزدىگىنەن تىنىس الا المادى. تىنىس الۋ جولدارىنىڭ وتكىزگىشتىگى بۇزىلعان. بريگادا حالىقارالىق ACLS ستاندارتتارىنا سايكەس شۇعىل مەديسينالىق كومەك كورسەتە باستادى»، - دەپ حابارلادى وڭىرلىك جەدەل مەديسينالىق جاردەم ورتالىعى وكىلدەرى.
فەلدشەرلەر ءبىرقاتار مەديسينالىق مانيپۋلياسيا جۇرگىزىپ، ناتيجەسىندە ايەلدىڭ تىنىس الۋ جولدارىنان سۇيەگى بار قۇرمانى الىپ شىققان.
تىنىسى قالپىنا كەلگەننەن كەيىن زەينەتكەر قالالىق اۋرۋحانانىڭ جانساقتاۋ بولىمىنە جاتقىزىلدى.
