جويقىن جەر سىلكىنىسى بولۋى مۇمكىن اۋماقتاردا اۋقىمدى سەيسميكالىق جاتتىعۋلار وتكىزىلەدى، - دەپ حابارلايدى Dalanews.kz.
3-4 ماۋسىمدا سەيسميكالىق ءقاۋىپتى وڭىرلەردە، ياعني الماتى، شىمكەنت قالالارى مەن اباي، جەتىسۋ، الماتى، شىعىس قازاقستان، جامبىل، قىزىلوردا جانە تۇركىستان وبلىستارىندا "جەر-2024" رەسپۋبليكالىق كوماندالىق-شتابتىق وقۋ-جاتتىعۋى وتەدى.
"وقۋ-جاتتىعۋدى ۇيلەستىرۋ جونىندەگى رەسپۋبليكالىق شتاب شىعىس قازاقستان وبلىسى وسكەمەن قالاسىندا ورنالاسقان"، - دەپ جازىلعان تجم حابارلاماسىندا.
3 ماۋسىمدا ساعات 10:00-دە جويقىن جەر سىلكىنىسى بولۋى مۇمكىن وڭىرلەردە "بارشانىڭ نازارىنا!" سيرەنا سويلەۋ قۇرىلعىلارى ىسكە قوسىلادى. سونداي-اق، ادام كوپ جينالاتىن نىسانداردا سەيسميكالىق جاتتىعۋلار وتكىزىلەدى.
"وقۋ-جاتتىعۋ توتەنشە جاعدايدى جويۋعا دايىندىق دەڭگەيىن ارتتىرۋ ماقساتىندا جۇرگىزىلەدى. بۇل ءىس-شاراعا رەسپۋبليكالىق جانە وڭىرلىك ازاماتتىق قورعاۋ قىزمەتتەرى، جەرگىلىكتى اتقارۋشى ورگاندار قاتىسادى.
ونىڭ بارىسىندا اۆاريالىق-قۇتقارۋ جۇمىستارى، زارداپ شەككەن تۇرعىنداردى شۇعىل قابىلداۋ پۋنكتتەرى، ولاردى قابىلداۋ مەن كومەك كورسەتۋگە ارنالعان پالاتكالىق لاگەرلەر، دالالىق مەديسينالىق اۋرۋحانالار كورسەتىلەدى"، - دەپ جازىلعان حابارلامادا.
