Joiqyn jer silkinisi bolýy múmkin aýmaqtarda aýqymdy seismikalyq jattyǵýlar ótkiziledi, - dep habarlaidy Dalanews.kz.
3-4 maýsymda seismikalyq qaýipti óńirlerde, iaǵni Almaty, Shymkent qalalary men Abai, Jetisý, Almaty, Shyǵys Qazaqstan, Jambyl, Qyzylorda jáne Túrkistan oblystarynda "Jer-2024" respýblikalyq komandalyq-shtabtyq oqý-jattyǵýy ótedi.
"Oqý-jattyǵýdy úilestirý jónindegi respýblikalyq shtab Shyǵys Qazaqstan oblysy Óskemen qalasynda ornalasqan", - dep jazylǵan TJM habarlamasynda.
3 maýsymda saǵat 10:00-de joiqyn jer silkinisi bolýy múmkin óńirlerde "Barshanyń nazaryna!" sirena sóileý qurylǵylary iske qosylady. Sondai-aq, adam kóp jinalatyn nysandarda seismikalyq jattyǵýlar ótkiziledi.
"Oqý-jattyǵý tótenshe jaǵdaidy joiýǵa daiyndyq deńgeiin arttyrý maqsatynda júrgiziledi. Bul is-sharaǵa respýblikalyq jáne óńirlik azamattyq qorǵaý qyzmetteri, jergilikti atqarýshy organdar qatysady.
Onyń barysynda avariialyq-qutqarý jumystary, zardap shekken turǵyndardy shuǵyl qabyldaý pýnktteri, olardy qabyldaý men kómek kórsetýge arnalǵan palatkalyq lagerler, dalalyq meditsinalyq aýrýhanalar kórsetiledi", - dep jazylǵan habarlamada.
