بىلتىرعى وقۋ جىلىندا مەكتەپ بىتىرگەن 70 تۇلەكتىڭ 57ء-سى «التىن بەلگى» ۇمىتكەرى بولىپ، ونىڭ 40-ى ءۇمىتتى اقتاپ شىققان. جىل سايىن جالپى ورتا باللدىڭ كورسەتكىشى بويىنشا وقو-دا كوش باستاپ جۇرەتىن مەكتەپ رەسپۋبليكا بويىنشا الدىڭعى ۇشتىكتەن تۇسپەيدى.
ءبىلىم ۇياسىن 28 جىلدان بەرى باسقارىپ كەلە جاتقان ديرەكتور ءومىرحان قوزىباق مۇنداي ناتيجەگە قول جەتكىزۋ تالاي جىلدان بەرگى جۇمىستىڭ ناتيجەسى ەكەندىگىن ايتادى. بۇل مەكتەپتىڭ تاعى ءبىر ەرەكشىلىگى، باسقارۋ جۇيەسى جاڭا زامانعا ساي لايىقتالعان.
«ۇبت سىناعىنا دايىندالۋدا، «التىن بەلگى» مەن ۇزدىك اتتەستاتتى كوبىرەك الۋىمىزدا ەشقانداي قۇپيا نەمەسە جاسىرىن سىر جوق. ءبىزدىڭ مەكتەپتە اپتا سايىن 10-11 سىنىپ وقۋشىلارىنان بايقاۋ سىناعى الىنادى. تومەن بالل جيناعان وقۋشىلارمەن جەكە جۇمىس جاسالادى. ءار جىل سايىن ءپان مۇعالىمدەرى جاڭا سۇراقتارمەن تولىقتىرىپ، جاڭا تەست ۆاريانتتارىن كىرىكتىرىپ وتىرادى»، – دەيدى مەكتەپ ديرەكتورى ءومىرحان قوزىباق.
مەكتەپ-گيمنازيانىڭ تاعى ءبىر ەرەكشەلىگى – ماتەماتيكا ءپانىن وقىتۋعا ايرىقشا نازار اۋدارادى. بۇل – تەك وسى پانگە ارتىقشىلىق جاساۋ ەمەس. ماتەماتيكا ارقىلى وزگە ساباقتاردى وقىتۋدىڭ دا ساپاسىن ارتتىرا ءتۇسۋدى ماقسات ەتەدى. بۇل وقۋ ورنىن ماقتاارالدىڭ التىن مەكتەبى دەسە دە ابدەن جاراسادى.
باۋىرجان مومىش ۇلى اتىنداعى مەكتەپ-گيمنازيانى كوپ جىلدان بەرى ىزدەنىمپاز، جاڭاشىل ۇستاز ءومىرحان قوزىباق باسقارادى. شيرەك عاسىرلىق مۇعالىمدىك تاجىريبەسى بار ديرەكتورعا ءقازىر بۇكىل وڭتۇستىك ءوڭىرى قىزىعادى. مۇنداعى مۇعالىمدەر كەمبريدج ءادىس-تاسىلى بويىنشا ارنايى دايارلىقتان ءوتىپ كەلىپ، جۇمىستارىندا پايدالانۋدا.
وقو اكىمىنىڭ باسپا ءسوز قىزمەتى
