Byltyrǵy oqý jylynda mektep bitirgen 70 túlektiń 57-si «Altyn belgi» úmitkeri bolyp, onyń 40-y úmitti aqtap shyqqan. Jyl saiyn jalpy orta balldyń kórsetkishi boiynsha OQO-da kósh bastap júretin mektep respýblika boiynsha aldyńǵy úshtikten túspeidi.
Bilim uiasyn 28 jyldan beri basqaryp kele jatqan direktor Ómirhan Qozybaq mundai nátijege qol jetkizý talai jyldan bergi jumystyń nátijesi ekendigin aitady. Bul mekteptiń taǵy bir erekshiligi, basqarý júiesi jańa zamanǵa sai laiyqtalǵan.
Mektep-gimnaziianyń taǵy bir ereksheligi – matematika pánin oqytýǵa airyqsha nazar aýdarady. Bul – tek osy pánge artyqshylyq jasaý emes. Matematika arqyly ózge sabaqtardy oqytýdyń da sapasyn arttyra túsýdi maqsat etedi. Bul oqý ornyn Maqtaaraldyń altyn mektebi dese de ábden jarasady.
Baýyrjan Momyshuly atyndaǵy mektep-gimnaziiany kóp jyldan beri izdenimpaz, jańashyl ustaz Ómirhan Qozybaq basqarady. Shirek ǵasyrlyq muǵalimdik tájiribesi bar direktorǵa qazir búkil Ońtústik óńiri qyzyǵady. Mundaǵy muǵalimder Kembridj ádis-tásili boiynsha arnaiy daiarlyqtan ótip kelip, jumystarynda paidalanýda.
OQO ákiminiń baspasóz qyzmeti
