قازاقستاندا 25 تامىزدان باستاپ 65 جاستان اسقان جٷرگٸزۋشٸلەر ٷشٸن مٸندەتتٸ مەديتسينالىق تەكسەرۋگە قاتىستى جاڭا تەرتٸپ كٷشٸنە ەنەدٸ. ەندٸ ەگدە جاستاعى ازاماتتار بەلگٸلەنگەن مەرزٸمدە مەديتسينالىق كوميسسييادان ٶتپەسە, جٷرگٸزۋشٸ كۋەلٸگٸنٸڭ كٷشٸ اقپاراتتىق جٷيە ارقىلى اۆتوماتتى تٷردە ۋاقىتشا توقتاتىلۋى مٷمكٸن, دەپ حابارلايدى dalanews.kz tengrinews.kz-كە سٸلتەمە جاساپ.
ٸشكٸ ٸستەر مينيسترلٸگٸنٸڭ مەلٸمەتٸنشە, مەديتسينالىق تەكسەرۋدٸڭ ٶزٸ جاڭا تالاپ ەمەس. بۇل نورما 2014 جىلدان بەرٸ قولدانىستا بولعانىمەن, ٶزگەرٸس مەملەكەتتٸك ورگاندار اراسىنداعى دەرەكتەر الماسۋ تەرتٸبٸنە عانا قاتىستى.
"ەگەر ادام مٸندەتتٸ مەديتسينالىق تەكسەرۋدەن ۋاقىتىندا ٶتپەسە, جٷرگٸزۋشٸ كۋەلٸگٸنٸڭ كٷشٸ اۆتوماتتى تٷردە ۋاقىتشا توقتاتىلۋى مٷمكٸن. ياعني جاڭاشىلدىق – تەك وسى رەسٸمنٸڭ ەنگٸزٸلۋٸندە", – دەگەن ەدٸ بۇعان دەيٸن ٸٸم رەسمي ٶكٸلٸ شىڭعىس الەكەشەۆ.
قانداي دەرٸگەرلەردٸڭ تەكسەرۋٸنەن ٶتۋ كەرەك?
دەنساۋلىق ساقتاۋ مينيسترلٸگٸنٸڭ مەلٸمەتٸنشە, جٷرگٸزۋشٸلەر مەديتسينالىق كوميسسييا بارىسىندا:
- جالپى پراكتيكا دەرٸگەرٸنٸڭ (نەمەسە تەراپەۆتٸڭ);
- پسيحياتردىڭ;
- وفتالمولوگتىڭ;
- وتورينولارينگولوگتىڭ (لور دەرٸگەرٸ) قابىلداۋىنان ٶتەدٸ.
سونىمەن قاتار پسيحواكتيۆتٸ زاتتاردىڭ بار-جوعىن انىقتايتىن زەرتحانالىق تەكسەرۋ جٷرگٸزٸلەدٸ.
"ەگەر ازامات پسيحيكالىق دەنساۋلىق ۇيىمىندا ەسەپتە تۇرسا نەمەسە تەكسەرۋ نەتيجەلەرٸ كٷمەن تۋدىرسا, كٶلٸك باسقارۋعا رۇقسات بەرۋ مەسەلەسٸن دەرٸگەرلٸك-كونسۋلتاتسييالىق كوميسسييا قارايدى", - دەپ حابارلادى دەنساۋلىق ساقتاۋ مينيسترلٸگٸ.
قاجەت بولعان جاعدايدا جٷرگٸزۋشٸ قوسىمشا تەكسەرۋلەرگە نەمەسە بەيٸندٸ مامانداردىڭ كەڭەسٸنە جٸبەرٸلۋٸ مٷمكٸن.
قانداي جاعدايدا انىقتاما بەرٸلمەيدٸ?
مينيسترلٸك مەلٸمەتٸنشە, مەديتسينالىق انىقتامانى بەرۋدەن مىناداي جاعدايلاردا باس تارتىلۋى مٷمكٸن:
- قۇجاتتارداعى مەلٸمەتتەردٸڭ جالعان بولۋى;
- قاجەتتٸ قۇجاتتاردىڭ تولىق ۇسىنىلماۋى;
- مەديتسينالىق تەكسەرۋدەن تەرٸس قورىتىندى شىعۋى.
ەگەر جٷرگٸزۋشٸ كوميسسييا شەشٸمٸمەن كەلٸسپەسە, مەديتسينالىق ۇيىم باسشىسىنىڭ اتىنا شاعىم تٷسٸرە الادى. ٶتٸنٸش بەس جۇمىس كٷنٸ ٸشٸندە قارالادى.
مەديتسينالىق تەكسەرۋ قانشا تۇرادى?
№073/ۋ نىسانىنداعى انىقتامانى الۋ ٷشٸن جٷرگٸزٸلەتٸن مەديتسينالىق تەكسەرۋ تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸنە دە, مەمس پاكەتٸنە دە كٸرمەيدٸ. سوندىقتان قىزمەت اقىلى نەگٸزدە كٶرسەتٸلەدٸ.
بٸرىڭعاي تاريف جوق – قۇنىن ەر مەديتسينالىق ۇيىم ٶز بەتٸنشە بەلگٸلەيدٸ. مەسەلەن, الماتى تۇرعىنى ۆلاديمير ز.-نىڭ ايتۋىنشا, ول مەديتسينالىق كوميسسييادان ٶتۋ ٷشٸن 6 مىڭ تەڭگە تٶلەگەن.
"جاڭالىقتى ەستي سالىسىمەن مەديتسينالىق ورتالىققا بارىپ, كوميسسييادان ٶتتٸم. كەيٸن ادام كٶبەيٸپ كەتەدٸ دەپ كٷتكٸم كەلمەدٸ. لور, وكۋليست جەنە تەراپەۆتٸڭ قابىلداۋىنان ٶتتٸم. ال پسيحونەۆرولوگييالىق جەنە ناركولوگييالىق ەسەپتە تۇرمايتىنىم تۋرالى انىقتامانى eGov ارقىلى الدىم", - دەيدٸ جٷرگٸزۋشٸ.
مەديتسينالىق تەكسەرۋدٸ قاشان ٶتۋ قاجەت?
ٸٸم تٷسٸندٸرۋٸنشە, 65 جاسقا تولعان ازاماتتاردىڭ بەرٸ بٸردەن مەديتسينالىق كوميسسيياعا بارۋعا مٸندەتتٸ ەمەس. العاشقى مٸندەتتٸ تەكسەرۋدەن 67 جاسقا دەيٸن, ودان كەيٸن ەر ەكٸ جىل سايىن (69, 71, 73 جاس جەنە ەرٸ قاراي) ٶتٸپ تۇرۋ قاجەت.
نەلٸكتەن باقىلاۋ كٷشەيتٸلدٸ?
ۇلتتىق قوعامدىق دەنساۋلىق ساقتاۋ ورتالىعىنىڭ مەلٸمەتٸنشە, 65 جاستان كەيٸن كٶرۋ مەن ەستۋدٸڭ ەلسٸرەۋٸ, رەاكتسييانىڭ باياۋلاۋى, بۋىنداردىڭ قيمىلىنىڭ شەكتەلۋٸ, سوزىلمالى اۋرۋلاردىڭ اسقىنۋى جەنە كەيبٸر دەرٸ-دەرمەكتەردٸڭ جاناما ەسەرٸ كٶلٸك جٷرگٸزۋ قاۋٸپسٸزدٸگٸنە ىقپال ەتۋٸ مٷمكٸن.
سونىمەن بٸرگە ماماندار جاستىڭ ٶزٸ كٶلٸك باسقارۋعا تىيىم سالاتىن فاكتور ەمەس ەكەنٸن اتاپ ٶتتٸ.
"سوزىلمالى اۋرۋلارى باقىلاۋدا بولسا, كٶرۋ قابٸلەتٸ, رەاكتسيياسى مەن كوگنيتيۆتٸك فۋنكتسييالارى ساقتالعان ادامدار 65 جاستان كەيٸن دە اۆتوكٶلٸكتٸ قاۋٸپسٸز باسقارا الادى", - دەپ مەلٸمدەدٸ ۇلتتىق قوعامدىق دەنساۋلىق ساقتاۋ ورتالىعى.
