ق ر تاۋەلسىزدىگىنىڭ 30 جىلدىعىنا ارنالعان «ۇلى دالا» رەسپۋبليكالىق شىعارماشىلىق بايقاۋىن «Nur Otan» پارتياسى قازاقستان جازۋشىلار وداعىمەن بىرلەسە ۇيىمداستىرۋدا.
شىعارماشىلىق بايقاۋ تاۋەلسىزدىكتىڭ العاشقى 30 جىلىندا ەلىمىزدىڭ جەتكەن جەتىستىكتەرىن، مەملەكەتتىلىك ىرگەسىنىڭ بەكۋىندەگى قازاقستاننىڭ تۇڭعىش پرەزيدەنتى – ەلباسى ن.ءا.نازاربايەۆتىڭ باسشىلىعىمەن قول جەتكىزگەن تابىستاردى جانە قوعامدى رۋحاني جاڭعىرتۋدىڭ يدەيالارى مەن قۇندىلىعىن كورسەتەتىن قازىرگى زامانعى قازاقستاندىق اۆتورلاردىڭ شىعارمالارىن قولداۋدى ماقسات ەتەدى. بايقاۋعا 18-دەن 40 جاسقا دەيىنگى اقىن-جازۋشىلار، دراماتۋرگتەر مەن سەناريستەر قاتىسا الادى.
بايقاۋ بەس نوميناسيا بويىنشا وتكىزىلەدى. «پروزا»، «پوەزيا»، «دراماتۋرگيا»، «كوركەم فيلم مەن تەلەسەريال سەنارييى» جانە «بالالارعا ارنالعان شىعارما» نوميناسياسى بويىنشا بايقاۋدىڭ جالپى جۇلدە قورى 11 ميلليون تەڭگەدەن اسادى. ءبىرىنشى ورىنعا يەلەنگەن جەڭىمپازعا – 1 000 000، ەكىنشى ورىن يەلەرىنە – 750 000، ءۇشىنشى ورىندى قانجىلاعان قاتىسۋشىعا – 500 000 تەڭگە قاراستىرىلىپ وتىر.
ۇيىمداستىرۋشىلار اتاپ وتكەندەي، بايقاۋعا اۆتورلاردىڭ بۇرىن جاريالانعان شىعارمالارى قاتىستىرىلمايدى.
«بايقاۋعا ادەپسىز سوزدەردى قامتيتىن، سونداي-اق ءۇشىنشى تۇلعالاردىڭ ەتيكالىق نورمالارى مەن اۆتورلىق قۇقىقتارىن بۇزاتىن تۋىندىلار جىبەرىلمەيدى. بايقاۋعا قاتىسۋ ءۇشىن «پروزا» نوميناسياسىنا 25 بەتتەن اسپايتىن، «پوەزيا» نوميناسياسىنا ءماتىن كولەمى 5 بەتتەن اسپايتىن، «دراماتۋرگيا» نوميناسياسىنا 15 بەتتەن اسپايتىن، «كوركەم فيلم مەن تەلەسەريال سەنارييى» نوميناسياسىنا 30 بەتتەن اسپايتىن، «بالالارعا ارنالعان شىعارما» نوميناسياسىنا 10 بەتتەن اسپايتىن شىعارمالار جىبەرىلەدى»، - دەلىنگەن ۇيىمداستىرۋشىلار تاراتقان اقپاراتتا.
بايقاۋدىڭ شارتتارى «Nur Otan» پارتياسىنىڭ رەسمي سايتىندا جانە الەۋمەتتىك جەلىلەردەگى رەسمي اككاۋنتتارىندا، سونداي-اق اikyn.kz سايتىندا، «Miras» پارتيالىق جوباسىنىڭ Facebook پاراقشاسىندا جاريالانادى.
