QR Táýelsizdiginiń 30 jyldyǵyna arnalǵan «Uly dala» respýblıkalyq shyǵarmashylyq baıqaýyn «Nur Otan» partıasy Qazaqstan Jazýshylar odaǵymen birlese uıymdastyrýda.
Shyǵarmashylyq baıqaý Táýelsizdiktiń alǵashqy 30 jylynda elimizdiń jetken jetistikterin, memlekettilik irgesiniń bekýindegi Qazaqstannyń Tuńǵysh Prezıdenti – Elbasy N.Á.Nazarbaevtyń basshylyǵymen qol jetkizgen tabystardy jáne qoǵamdy rýhanı jańǵyrtýdyń ıdeıalary men qundylyǵyn kórsetetin qazirgi zamanǵy qazaqstandyq avtorlardyń shyǵarmalaryn qoldaýdy maqsat etedi. Baıqaýǵa 18-den 40 jasqa deıingi aqyn-jazýshylar, dramatýrgter men senarıster qatysa alady.
Baıqaý bes nomınasıa boıynsha ótkiziledi. «Proza», «Poezıa», «Dramatýrgıa», «Kórkem fılm men teleserıal senarıi» jáne «Balalarǵa arnalǵan shyǵarma» nomınasıasy boıynsha baıqaýdyń jalpy júlde qory 11 mıllıon teńgeden asady. Birinshi orynǵa ıelengen jeńimpazǵa – 1 000 000, ekinshi oryn ıelerine – 750 000, úshinshi oryndy qanjylaǵan qatysýshyǵa – 500 000 teńge qarastyrylyp otyr.
Uıymdastyrýshylar atap ótkendeı, baıqaýǵa avtorlardyń buryn jarıalanǵan shyǵarmalary qatystyrylmaıdy.
«Baıqaýǵa ádepsiz sózderdi qamtıtyn, sondaı-aq úshinshi tulǵalardyń etıkalyq normalary men avtorlyq quqyqtaryn buzatyn týyndylar jiberilmeıdi. Baıqaýǵa qatysý úshin «Proza» nomınasıasyna 25 betten aspaıtyn, «Poezıa» nomınasıasyna mátin kólemi 5 betten aspaıtyn, «Dramatýrgıa» nomınasıasyna 15 betten aspaıtyn, «Kórkem fılm men teleserıal senarıi» nomınasıasyna 30 betten aspaıtyn, «Balalarǵa arnalǵan shyǵarma» nomınasıasyna 10 betten aspaıtyn shyǵarmalar jiberiledi», - delingen uıymdastyrýshylar taratqan aqparatta.
Baıqaýdyń sharttary «Nur Otan» partıasynyń resmı saıtynda jáne áleýmettik jelilerdegi resmı akkaýnttarynda, sondaı-aq aikyn.kz saıtynda, «Miras» partıalyq jobasynyń Facebook paraqshasynda jarıalanady.
