باس پروكۋرور بەرٸك اسىلوۆتىڭ اتاپ ٶتكەنٸندەي بارىمتا-سىرىمتامەن كەلگەن اكتيۆتەردٸ ەلگە قايتارۋ قارقىندى جٷرۋدە. بۇل تۋرالى Dalanews.kz حابارلايدى.
اسىلوۆتىڭ مەلٸمەتٸنشە, بىلتىر 428,7 ملرد تەڭگە مٶلشەرٸندە ۇرلانعان اكتيۆتەر قايتارىلعان.
زاڭ سۋبەكتٸلەرٸمەن كەلٸسٸمدەر بويىنشا 48 ملرد تەڭگەدەن استام سوماعا 15 ەلەۋمەتتٸك جەنە ينۆەستيتسييالىق جوبا ٸسكە قوسىلعان.
حالىقارالىق تەجٸريبەنٸ ەسكەرە وتىرىپ, سوت تەرتٸبٸمەن تٷسٸنٸكسٸز شىققان اكتيۆتەردٸ مەملەكەت كٸرٸسٸنە اينالدىرۋ پراكتيكاسى ەنگٸزٸلگەن. قازٸر نەتيجە بار ەكەنٸن ايتا كەتۋ جٶن بولادى (10 ميلليون دوللارعا تالاپ قاناعاتتاندىرىلدى, سوما ٶتەلدٸ). سونىمەن قاتار, مٷلٸكتٸ ەرٸكتٸ تٷردە كەرٸ قايتارۋ بٶلٸگٸندە سۋبەكتٸلەرمەن جۇمىس جٷرگٸزٸلٸپ جاتىر, – دەيدٸ اسىلوۆ.
ايتا كەتەيٸك, مەملەكەتكە قايتارىلعان اكتيۆتەردٸ ساتىپ, بيۋدجەتكە باعىتتاۋ قارجى مينيسترلٸگٸنە قاراستى قايتارىلعان اكتيۆتەردٸ باسقارۋ كومپانيياسىنا جٷكتەلگەن. قايتارىلعان اكتيۆتەر ەرتٷرلٸ. بۇل تۋرالى كومپانييانىڭ باس ديرەكتورى قۋانىشبەك مۇقاش ەگجەي-تەگجەيلٸ مەلٸمەت بەرگەن بولاتىن.
"بۇعان زەرگەرلٸك بۇيىمداردان باستاپ جۇمىس ٸستەپ تۇرعان كەسٸپورىندارعا دەيٸنگٸ نىساندار كٸرەدٸ. كومپانييا قۇرىلعان سەتتەن باستاپ ونىڭ بالانسىنا جالپى قۇنى 89,9 ميلليارد تەڭگەنٸ قۇرايتىن 70 تٷرلٸ اكتيۆ – تۇرعىن جەنە كوممەرتسييالىق جىلجىمايتىن مٷلٸك, ٶندٸرٸستٸك بازالار, كومپانييالاردىڭ جارعىلىق كاپيتالىنداعى ٷلەستەر, اياقتالماعان قۇرىلىس نىساندارى, جەر ۋچاسكەلەرٸ, اۆتوكٶلٸكتەر, تاۋار-ماتەريالدىق قۇندىلىقتار, نەگٸزگٸ قۇرالدار جەنە 196 زەرگەرلٸك بۇيىم بەرٸلدٸ", – دەگەن ەدٸ بۇعان دەيٸن قۋانىشبەك مۇقاش.
ونىڭ ايتۋىنشا, قايتارىلعان اكتيۆتەردٸ باسقارۋ كومپانيياسى قازاقستان اۋماعىندا ورنالاسقان اكتيۆتەردٸ «ە-Qazyna» ەلەكتروندىق ساۋدا الاڭى ارقىلى ساتادى.
"جالپى سوماسى 12,6 ملرد تەڭگەنٸ قۇرايتىن 9 اكتيۆ ساتىلدى. شەتەلدە بٸرٸككەن اراب ەمٸرلٸكتەرٸندە 2 اۆتوكٶلٸك جەنە تٷركيياداعى 3 جىلجىمايتىن مٷلٸك نىسانى 4,4 ملرد تەڭگەگە ساتىلدى.
ەگەر اكتيۆتٸ ٶتكٸزۋ مٷمكٸن بولماسا, باسقارۋشى كومپانييا اكتيۆتەردٸ باسقارۋدىڭ بٸرنەشە بالاما ەدٸستەرٸن قولدانادى. ياعني جىلجىمايتىن مٷلٸكتٸ مٷلٸكتٸك جالعا بەرۋگە دە بولادى.
مۇنداي ەدٸستەن تٷسكەن كٸرٸس 276,6 ملن تەڭگەنٸ قۇرادى. سونىمەن قاتار باسقارۋشى كومپانييا «دۋمان» قوناقٷي كەشەنٸن, سونداي-اق «جاركەنت سۋ» جشس, «تۇلپار» جشس جەنە «كٶتەرمە-بٶلشەك ساۋدا ورتالىعى» جشس-نىڭ 100% ٷلەستەرٸن دەربەس باسقارادى. اتالعان كەسٸپورىنداردىڭ قىزمەتٸنەن تٷسكەن ديۆيدەندتەر (جالپى 229,4 ملن تەڭگە) توقسان سايىن ارنايى مەملەكەتتٸك قورعا اۋدارىلادى", – دەگەن بولاتىن Egemen-گە بەرگەن سۇحباتىندا قۋانىش جاقسىبەكۇلى.
ەسكە سالايىق, بۇعان دەيٸن زاڭسىز الىنعان اكتيۆتەر قالاي قايتارىلىپ جاتقانىن حابارلاعان ەدٸك.
