قما شىمكەنت قالاسى بويىنشا دەپارتامەنتى «Ansar Gold» قارجى پيراميداسىنىڭ قىزمەتىن توقتاتتى، دەپ حابارلايدى Dalanews.kz.

وزدەرىن زەرگەرلىك بۇيىمدار ساتۋمەن اينالىساتىن كومپانيا رەتىندە تانىستىرعان كۇدىكتىلەر سالىمشىلارعا 5 اي ىشىندە سالىنعان قاراجاتتىڭ 40–60%-ى كولەمىندە اي سايىن تابىس تۇسەتىنىن جانە نەگىزگى كاپيتالدىڭ ساقتالۋىنا كەپىلدىك بەرىلەتىنىن ۋادە ەتكەن.

الايدا، ءىس جۇزىندە تولەمدەر تاۋار ساتۋىنان تۇسكەن تابىستان ەمەس، جاڭا قاتىسۋشىلاردىڭ سالىمدارى ەسەبىنەن جۇزەگە اسىرىلعان.

ناتيجەسىندە بۇل قارجى پيراميداسىنا 200-دەن استام ادام تارتىلىپ، 400 ملن تەڭگەدەن استام قاراجات سالىنعان.

سونىمەن قاتار، كۇدىكتىلەر وزدەرىنىڭ تۋىستارىن "دروپ"  رەتىندە تارتىپ، ولار ارقىلى باسقا قاتىسۋشىلاردان تۇسكەن اقشانى قولما-قول شەشۋ ءۇشىن ولاردىڭ بانك كارتالارىن پايدالانعان.

قارجى پيراميداسىن ۇيىمداستىرۋشى قاماۋعا الىندى.

قازىرگى ۋاقىتتا وعان تيەسىلى اۆتوكولىك پەن تۇرعىن ۇيگە شەكتەۋ قويىلدى.

ق ر قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريالاۋعا جاتپايدى.