QMA Shymkent qalasy boiynsha departamenti «Ansar Gold» qarjy piramidasynyń qyzmetin toqtatty, dep habarlaidy Dalanews.kz.
Ózderin zergerlik buiymdar satýmen ainalysatyn kompaniia retinde tanystyrǵan kúdiktiler salymshylarǵa 5 ai ishinde salynǵan qarajattyń 40–60%-y kóleminde ai saiyn tabys túsetinin jáne negizgi kapitaldyń saqtalýyna kepildik beriletinin ýáde etken.
Alaida, is júzinde tólemder taýar satýynan túsken tabystan emes, jańa qatysýshylardyń salymdary esebinen júzege asyrylǵan.
Nátijesinde bul qarjy piramidasyna 200-den astam adam tartylyp, 400 mln teńgeden astam qarajat salynǵan.
Sonymen qatar, kúdiktiler ózderiniń týystaryn "drop" retinde tartyp, olar arqyly basqa qatysýshylardan túsken aqshany qolma-qol sheshý úshin olardyń bank kartalaryn paidalanǵan.
Qarjy piramidasyn uiymdastyrýshy qamaýǵa alyndy.
Qazirgi ýaqytta oǵan tiesili avtokólik pen turǵyn úige shekteý qoiyldy.
QR Qylmystyq-protsestik kodeksiniń 201-babyna sáikes ózge aqparat jariialaýǵa jatpaidy.
