مەجٸلٸس دەپۋتاتى سامات نۇرتازا ەلەۋمەتتٸك جەلٸدەگٸ پاراقشاسىندا بٸر جىل ٸشٸندە اتقارعان دەپۋتاتتىق جۇمىسىنا شولۋ جاساي وتىرىپ, جەكە باسىنا قاتىستى بٸراز قىزىقتى اقپاراتتى بٶلٸستٸ, دەپ حابارلايدى Dalanews.kz.
“27 ناۋرىزدا “دەپۋتاتسىڭ” دەپ بٸراز كٸسٸ حابارلاسىپ قۇتتىقتادى, بٸراق مەن تەك رەسمي تٸزٸمدٸ كٷتٸپ وتىردىم. تەلەگرام-كانالدار مەن سايتتارعا شىققاندا عانا كٶڭٸلٸم ورنىنا تٷستٸ. تٸزٸم شىقتى - تەلەفون جارىلدى. سەۋٸردٸڭ بٸرٸندە ناۋرىزداعى 3 كٷننٸڭ جالاقىسى دەپ از-ماز اقشا تٷستٸ.
اسا دٸنشٸل ادام بولماسام دا, سول اقشانى ىرىمداپ, مەشٸتكە اپارىپ, نيەت ەتٸپ ساندىققا سالدىم. 28 ناۋرىزدا 98 دەپۋتاتقا 98 كٶمەكشٸ كەلدٸ. بٸرەۋلەر “ٶز كٶمەكشٸم بار” دەپ مەجٸلٸس ۇسىنعان كٶمەكشٸدەن باس تارتىپ جاتتى. ماعان قۇدايعا شٷكٸر جاقسى كٶمەكشٸ بۇيىردى. ٶز جۇمىسىن بەسكە بٸلەتٸن, ۇقىپتى, تەربيە كٶرگەن, داستان دەگەن جٸگٸت”, - دەپ جازدى سامات نۇرتازا.
سونىمەن قاتار ول قانشا جالاقى الاتىنىن دا اشىپ ايتتى.
“جالاقى 800.000تگ. دەپۋتات بولعانعا دەيٸن 4 جەردە جۇمىس جاسادىم, دەپۋتات بولعان سەتتە 4 جەردەن جۇمىستان شىعۋعا مەجبٷر بولدىم, سەبەبٸ دەپۋتاتتار قوسىمشا جۇمىس جاساۋعا قۇقىعى جوق. تەك تۆورچەستۆولىق جۇمىستارعا (ساباق بەرۋ, سۋرەت سالۋ, ٶلەڭ ايتۋ, سپورتتىق سايىستار) عانا رۇقسات”, - دەدٸ ول.
ايتۋىنشا, مەملەكەت تاراپىنان جاڭا قونىس تا بەرٸلگەن. وسى تۇستا ول كٶرشٸلەرٸ دەپۋتات رينات زايىتوۆ پەن ەرمۇرات بەپي ەكەنٸن جازعان.
“15 سەۋٸردە پەتەر بەردٸ. ورتاشا كەيٸپتە, جيھازى ەسكٸلەۋ, كافەلٸ 2005 جىلدان بەرٸ اۋىسپاعان, تٶسەگٸ سىقىرلايدى. ەكٸ بالكونى بار. كٶرشٸم رينات زايتوۆ پەن ەرمۋرات باپي مىرزالار. ايىنا 75 ساعات كٶلٸك الدىرۋعا رۇقسات. دٷكەنگە, مەكتەپكە, بازارعا, قالانىڭ سىرتىنا, ويىن-ساۋىق ورتالىقتارىنا بارۋعا بولمايدى. سەنبٸ-جەكسەنبٸدە ماشينا شاقىرۋعا بولمايدى. كەشكٸ 20:00 كەيٸن ماشينا شاقىرۋعا بولمايدى. كٷندٸز تەك ٷكٸمەتتٸك ۇيىمدارعا عانا بارۋعا رۇقسات. جۇمىسقا جاياۋ بارعاننان, ول 75 ساعاتتىڭ ايىنا ارى كەتسە 10-15 ساعاتىن قولداناسىڭ. بولدى”, - دەدٸ دەپۋتات.
سامات نۇرتازا وسى بٸر جىل ٸشٸندە ٷش دەپۋتاتتىق ساۋال ايتقانىن جەنە 7-8 مينيسترگە سۇراق قويعانىن اتاپ ٶتكەن.
“دەپۋتاتتىق ساۋال - دەگەن تٷسٸنٸك دە قىزىق قۇبىلىس. قوعام “سٶيلەگەن دەپۋتات جۇمىس جاسايدى - ٷندەمەگەن دەپۋتات جۇمىس جاسامايدى” دەپ ويلايتىن سيياقتى. ولاي ەمەس. دەپۋتاتتىق ساۋالدى بٸرنەشە دەپۋتات جاسايدى, بٸرەۋ جازادى, بٸرەۋ وي قوسادى, بٸرەۋ قاتەسٸن جٶندەيدٸ. وقيتىن ادام بٸرەۋ. ياعني “جازاتىن جەنە سٶيلەيتٸن دەپۋتاتتار بار” دەپ ايتۋعا بولادى.
مەسەلەن, 365 كٷندە 3 دەپۋتاتتىق ساۋالدى ايتىپ, 15 شاقتى ساۋالعا ٶز ٷلەسٸمدٸ قوستىم. بٸرەۋدەن كٶپ, بٸرەۋدەن از دەگەندەي. سونىمەن قاتار ٷكٸمەت ساعاتى ٶتكەن سايىن بٸر-بٸر مينيستردەن كەلٸپ مەجٸلٸسكە ەسەپ بەرەدٸ, سول جەردە كەز كەلگەن دەپۋتات ٶز سۇراعىن قويا الادى. 7-8 مينيسترگە سايلاۋشىلار ٶتٸنگەن سۇراقتى قويعانىم بار”, - دەپ جازدى ول.
