1954 جىلى سانتياگودان ۇشىپ, كەيٸن 35 جىلدان سوڭ قايتا پايدا بولدى دەلٸنەتٸن 513-رەيس تۋرالى وقيعا ەلٸ كٷنگە دەيٸن كٶپشٸلٸكتٸڭ قىزىعۋشىلىعىن تۋدىرىپ كەلەدٸ. بۇل دەرەك ناقتى دەلەلدەنبەگەنٸمەن, اۆياتسييا تاريحىنداعى ەڭ جۇمباق ەرٸ قورقىنىشتى اڭىزداردىڭ بٸرٸ رەتٸندە جيٸ ايتىلادى, دەپ حابارلايدى dalanews.kz.
وقيعا 1954 جىلدىڭ 4 قىركٷيەگٸندە بولعان دەپ باياندالادى. سول كٷنٸ بورتىندا 88 جولاۋشى مەن 4 ەكيپاج مٷشەسٸ بار ۇشاق ەدەتتەگٸ رەيس رەتٸندە ساپارعا شىققان. جولاۋشىلاردىڭ اراسىندا ەرەكشە كٷدٸك تۋدىراتىن ادامدار بولماعان, ال ۇشاقتا قانداي دا بٸر قۇپييا نەمەسە قاۋٸپتٸ جٷك بولماعانى ايتىلادى.
الايدا ەۋە كەمەسٸ ۇشقاننان بٸرنەشە ساعات ٶتكەن سوڭ, اتلانت مۇحيتىنىڭ ٷستٸندە كەنەتتەن راداردان جوعالىپ كەتكەن. ۇشاقتان ەشقانداي اپات دابىلى تٷسپەگەن, ەكيپاج دا بايلانىسقا شىقپاعان. ماماندار ەۋەلدە لاينەر مۇحيتقا قۇلاعان بولۋى مٷمكٸن دەگەن بولجام جاساعان. بٸراق اپات ورنى دا, سىنىقتارى دا تابىلماعان سوڭ, بۇل جاعداي تٸپتٸ جۇمباق سيپات الا تٷسكەن.
ۋاقىت ٶتە كەلە 513-رەيس تۋرالى ەڭگٸمە ۇمىتىلا باستاعان. سول كەزدەگٸ گازەتتەر بۇل وقيعا تۋرالى جازعانىمەن, ناقتى جاۋاپ تابىلماعان سوڭ, جۇرت تا بٸرتٸندەپ ونى ەستەن شىعارعان.
الايدا اڭىز بويىنشا, 1989 جىلى برازيلييانىڭ پورتۋ-الەگري ەۋەجايىندا بەلگٸسٸز ۇشاق راداردا پايدا بولعان. ديسپەتچەرلەر ەكيپاجبەن بايلانىس ورناتۋعا تىرىسقانىمەن, ەشكٸم جاۋاپ بەرمەگەن. سوعان قاراماستان ۇشاق ەۋەجايعا قونعان.
قاۋٸپسٸزدٸك قىزمەتكەرلەرٸ ەۋە كەمەسٸنە جاقىنداعاندا, ونىڭ سىرتىندا Santiago Air Lines دەگەن جازۋدى كٶرگەن. بۇل كومپانييا 1956 جىلى جابىلىپ قالعان دەپ ايتىلادى. ەڭ تاڭعالارلىعى, ۇشاقتىڭ بورت نٶمٸرٸ 513 بولعان. ياعني بۇل 1954 جىلى جوعالىپ كەتكەن رەيسپەن سەيكەس كەلگەن.
قىزمەتكەرلەر بورتقا كٸرگەندە, ودان دا قورقىنىشتى كٶرٸنٸسكە تاپ بولعانى ايتىلادى. ۇشاق ٸشٸندەگٸ جولاۋشىلار مەن ەكيپاج مٷشەلەرٸ قاڭقاعا اينالعان ەكەن. ال ۇشاقتى كٸمنٸڭ جەنە قالاي قوندىرعانى بەلگٸسٸز كٷيٸندە قالعان.
وسى وقيعادان كەيٸن تٷرلٸ بولجام تاراعان. بٸرەۋلەر ۇشاق ۋاقىت پەن كەڭٸستٸكتەگٸ بەلگٸسٸز قۇبىلىسقا تاپ بولۋى مٷمكٸن دەپ تٷسٸندٸرگەن. ياعني بٸزدٸڭ ەلەمدە 35 جىل ٶتسە دە, ۇشاق ٷشٸن باسقا ٶلشەمدە ساناۋلى مينۋت قانا ٶتكەن بولۋى ىقتيمال دەگەن جورامال ايتىلعان.
دەگەنمەن بۇل وقيعاعا سەنبەيتٸندەر دە كٶپ. كٶپتەگەن زەرتتەۋشٸلەر 513-رەيس تۋرالى دەرەكتٸ ناقتى تاريحي فاكت ەمەس, گازەت بەتٸندە تۋعان اڭىز نەمەسە ويدان شىعارىلعان وقيعا بولۋى مٷمكٸن دەپ سانايدى. ٶيتكەنٸ مۇنداي اپات تۋرالى رەسمي اۆياتسييالىق دەرەككٶزدەردە ناقتى مەلٸمەت جوق.
سوعان قاراماستان, "35 جىلدان كەيٸن ورالعان ۇشاق" تۋرالى ەڭگٸمە جۇرتتى ەلٸ كٷنگە دەيٸن قىزىقتىرادى. بٸرٸ ونى ۋاقىت كەڭٸستٸگٸنە قاتىستى جۇمباق قۇبىلىس دەپ قابىلداسا, ەندٸ بٸرٸ جاي عانا قالالىق اڭىز رەتٸندە قارايدى. قالاي بولعاندا دا, 513-رەيس تۋرالى وقيعا ادام قييالىن قوزعايتىن ەڭ تىلسىم اۆياتسييالىق حيكايالاردىڭ بٸرٸ بولىپ قالا بەردٸ.
