ساربازدى ءىىم مەن ۇقك قىزمەتكەرلەرىنىڭ ارنايى جەدەل توبى ۇستاعان.
– 1995 جىلى تۋعان اسكەري قىزمەتشى ابىلاي بالعىنباي بۇگىن اسكەري بولىمنەن ءوز ەركىمەن كەتىپ، اتىس قارۋىن ۇرلاعان، ول ۇستالدى. قارۋدى ۇرلاۋ فاكتىسى بويىنشا ق ر قك-نىڭ 291-بابى بويىنشا سوتقا دەيىنگى تەرگەۋ جۇرگىزىلىپ جاتىر. قاجەتتى تەرگەۋ ارەكەتتەرى جۇرگىزىلىپ جاتىر، – دەپ حابارلادى ءىىم وكىلدەرى.
ەسكە سالايىق، بۇعان دەيىن 20 اقپانعا قاراعان ءتۇنى كىشى سەرجانت قىزمەتتىك ورنىنان ءوز ەركىمەن كەتىپ قالعانى حابارلانعان ەدى.
«سول ۋاقىتتا اتىس قارۋىنىڭ سانى ازايعانى بەلگىلى بولدى. قۇقىق قورعاۋ ورگاندارى مەن اسكەري پوليسيا كۇشىمەن اسكەري قىزمەتكەر مەن جوعالعان قارۋلاردى ىزدەۋ جانە ۇستاۋ بويىنشا شۇعىل شارالارى ءجۇرىپ جاتىر» دەگەن ەدى ۆەدومستۆوداعىلار.
Tengrinews.kz وقىرماندارى رەداكسيانىڭ WhatsApp-نومىرىنە جىبەرگەن مالىمەت بويىنشا، وقيعا №10216 اسكەري بولىمىندە بولعان. بۇل شىمكەنتتەن 30 شاقىرىم جەردەگى بادام اۋىلى.
سول حابارلامادا ول وزىمەن بىرگە 30 كالاشنيكوۆ اۆتوماتى مەن 27 ماكاروۆ تاپانشاسىن جانە 429 ءوق-دارى الىپ كەتكەن دەلىنگەن.
