Sarbazdy IIM men UQK qyzmetkerleriniń arnaiy jedel toby ustaǵan.
– 1995 jyly týǵan áskeri qyzmetshi Abylai Balǵynbai búgin áskeri bólimnen óz erkimen ketip, atys qarýyn urlaǵan, ol ustaldy. Qarýdy urlaý faktisi boiynsha QR QK-niń 291-baby boiynsha sotqa deiingi tergeý júrgizilip jatyr. Qajetti tergeý áreketteri júrgizilip jatyr, – dep habarlady IIM ókilderi.
Eske salaiyq, buǵan deiin 20 aqpanǵa qaraǵan túni kishi serjant qyzmettik ornynan óz erkimen ketip qalǵany habarlanǵan edi.
«Sol ýaqytta atys qarýynyń sany azaiǵany belgili boldy. Quqyq qorǵaý organdary men áskeri politsiia kúshimen áskeri qyzmetker men joǵalǵan qarýlardy izdeý jáne ustaý boiynsha shuǵyl sharalary júrip jatyr» degen edi vedomstvodaǵylar.
Tengrinews.kz oqyrmandary redaktsiianyń WhatsApp-nómirine jibergen málimet boiynsha, oqiǵa №10216 áskeri bóliminde bolǵan. Bul Shymkentten 30 shaqyrym jerdegi Badam aýyly.
Sol habarlamada ol ózimen birge 30 Kalashnikov avtomaty men 27 Makarov tapanshasyn jáne 429 oq-dári alyp ketken delingen.
