بۇل ٷردٸستەن قازاقستان دا قالىس قالىپ وتىرعان جوق. جوعارى تەحنولوگييانىڭ قۇلاعىندا وينايتىن تٶل ماماندارعا دەگەن سۇرانىس جىل ٶتكەن سايىن ارتىپ كەلەدٸ دەپ حابارلايدى Dalanews.kz.
اقپاراتتىق تەحنولوگييا مەن ٸت سالاسىنىڭ ماماندارىنا مۇحتاجدىقتىڭ سەبەبٸ - جاھاندىق ەكونوميكاداعى تەندەنتسييامەن بايلانىستى. دامىعان ەلدەر تسيفرلى تەحنولوگييالاردى كٷندەلٸكتٸ ٶمٸرگە تٷگەلدەي كٸرٸكتٸرۋگە تىرىسۋدا.
پرەزيدەنت توقاەۆتىڭ جوعارى بٸلٸكتٸ ٸت كادرلار دايىنداۋ تۋرالى تاپسىرماسى Huawei Technologies Kazakhstan-نىڭ دامۋ ستراتەگيياسىمەن ٷندەس. اقپاراتتىق كوممۋنيكاتسييالىق ينفراقۇرىلىم مەن ينتەللەكتۋالدى قۇرالعىلاردى قۇراستىرۋ تۇرعىسىندا تەڭدەسسٸز سانالاتىن كومپانييا وسى ٸسكە اتسالىسۋعا ەزٸر.
جوعارى بٸلٸكتٸ قازاق ماماندارىن دايارلاۋدى ماقسات تۇتقان Huawei قازاقستاندا اقپاراتتىق تەحنولوگييالارعا ارنالعان اكامەدييالار اشۋدا.
وسىناۋ وقۋ ورىندارى اتالعان ماماندىقتى يگەرٸپ جاتقان ستۋدەنتتەردٸڭ كەسٸبي بٸلٸگٸن كٶتەرۋگە كٶمەكتەسٸپ, كومپانيياداعى باعدارلامالىق جوبالار مەن يننوۆاتسييالىق تەحنولوگييالاردى تانىس ەتەدٸ.
«Huawei-دٸڭ ٶزگەلەردەن ەرەكشەلٸگٸ نەدە دەسەڭٸز, كومپانييا اقپاراتتىق تەحنولوگييالار سالاسىنداعى عىلىمي زەرتتەۋلەرگە قولداۋ كٶرسەتەدٸ, بۇدان سىرت اتالعان سالاعا قاجەتتٸ بٸلٸكتٸ كادرلاردى دايارلاۋعا قولعابىس ەتەدٸ.
بٸز وتاندىق وقۋ ورىندارىمەن تەحنولوگيياداعى تىڭ جاڭالىقتاردان بٶلەك وسى باعىتتاعى جىلدار بويعى جيىپ-تەرگەن بٸلٸم مەن تەجٸريبەمٸزدٸ بٶلٸسۋگە ەزٸرمٸز.
قازاق ستۋدەنتتەرٸن وقىتىپ, توقىتىپ, ولاردان ساپالى مامان ەزٸرلەۋگە مٷددەلٸمٸز. سونىڭ ارقاسىندا جاڭا قازاقستاننىڭ ينتەللەكتۋالدىق پوتەنتسيالى ەسەلەنٸپ, ەلدٸڭ تسيفرلىق بولاشاعى باياندى بولادى», – دەيدٸ باس ديرەكتوردىڭ اپپارات جەتەكشٸسٸ فاريدا تٶلەۋباەۆا.
Huawei اقپاراتتىق تەحنولوگييالار اكادەميياسى – وسىناۋ تەحنولوگييانىڭ قىر-سىرىن مەڭگەرگٸسٸ كەلەتٸن ستۋدەنتتەردٸڭ تەرەڭدەتە بٸلٸم الۋىنا جەردەمدەسەتٸن, كومپانييانىڭ ەلەمدەگٸ جەتەكشٸ وقۋ ورىندارىمەن بٸرلەسٸپ جٷزەگە اسىراتىن حالىقارالىق ەرٸپتەستٸك باعدارلاماسى.
ەزٸر مۇنداي اكامەدييالار ەلەمنٸڭ 82 ەلٸندە تابىستى جۇمىس ٸستەيدٸ. Huawei اكادەمييالارى قالىپتاستىرعان ەكوجٷيە وقۋ – اعارتۋ سالاسىندا ويىپ تۇرىپ ورىن العان. وسى كٷنگە دەيٸن اتالعان اكادەمييالاردى 125 مىڭ مامان تەمەمداپ, ٷلكەن ٶمٸرگە جول اياق باستى.
ەلٸمٸزدٸڭ عىلىم جەنە وقۋ – اعارتۋ مينيسترلٸگٸمەن ەرٸپتەستٸك تۋرالى مەموراندۋمعا قول قويعان Huawei كومپانيياسى قازاقستانداعى تسيفرلىق بٸلٸمنٸڭ كٶكجيەگٸن كەڭەيتۋگە ٷلەس قوسىپ, وسى باعىتتاعى اكامەدييالاردىڭ سانىن ۇلعايتاتىن بولادى.
بٷگٸنگە دەيٸن قازاقستاندا Huawei-دٸڭ ۇيىتقى بولۋىمەن دەل وسىنداي 25 اكامەدييا اشىلدى. بۇلاردى اياقتاپ شىققان كادرلار جوعارى تەحنولوگييالار سالاسىنداعى مويىندالعان ماماندارعا اينالدى.
كومپانييانىڭ بٸلٸم باعدارلاماسى ەلٸمٸزدٸڭ ٸرگەلٸ وقۋ ورىندارى تاراپىنان قولداۋ تاۋىپ, ەل-فارابي اتىنداعى قازۇۋ, ەۋرازييالىق ۋنيۆەرسيتەت, IT University, اتىراۋداعى مۇناي جەنە گاز ۋنيۆەرسيتەتٸ جەنە ٶزگە دە جوو-لار وقۋ ورنىنىڭ ٸرگەسٸنەن اكادەمييا اشۋعا كەلٸسٸمٸن بەردٸ. تاياۋ بولاشاقتا ەلٸمٸزدەگٸ Huawei اكامەدييالارىنىڭ سانى 50-گە جەتٸپ, بۇلاردا بٸلٸم الاتىن ستۋدەنتتەردٸڭ سانى 5 مىڭ ادامنان اسىپ جىعىلاتىن بولادى.
«قازۇۋ تالانتتى جاستاردىڭ تالابىن ۇشتاۋعا ەرەكشە كٶڭٸل بٶلەدٸ. سونىڭ ٸشٸندە ٸت سالاسىنىڭ ورنى الابٶتەن. وقىتۋشىلار مەن ستۋدەنتتەر Huawei كومپانيياسىنىڭ قۇرىلىمدارىندا عىلىمي ٸس-تەجٸريبەدەن ٶتٸپ, كٶرگەن-تٷيگەنٸن ەلٸمٸزدٸڭ تسيفرلىق پوتەنتسيالىن ارتتىرۋعا باعىتتاي الادى.
Huawei-دٸڭ قولداۋىمەن اقپاراتتىق تەحنولوگييالار سالاسىنداعى حالىقارالىق بايقاۋلارعا قاتىسۋ ستۋدەنتتەرگە قوسىمشا ستيمۋل بولادى», – دەيدٸ وقۋ ورنىنىڭ اكادەمييالىق مەسەلەلەر بويىنشا پرورەكتورى فەتيما جاقىپوۆا.
وقۋ باعدارلاماسى اياسىندا وقىتۋشىلار مەن ستۋدەنتتەر ٸت تەحنولوگييالار, جاساندى ينتەللەكت, Big Data, جەلٸلٸك قاۋٸپسٸزدٸك, مارشرۋتيزاتسييا, سىمسىز جٷيە, مەلٸمەتتٸ ساقتاۋ قويمالارى, بۇلتتى تەحنولوگييالاردى دامىتۋ جەنە ٶزگە دە تەحنولوگييالىق باعىتتار بويىنشا پايدالى كۋرستاردى مەڭگەرەدٸ.
«Huawei اكامەديياسىنىڭ ستۋدەنتٸ بولۋ كەز-كەلگەنگە بۇيىرا بەرمەيتٸن مٷمكٸندٸك. قاتارىنان وزىپ, دارالانعان جاستارعا اكادەمييانى وقىپ-تاۋىسقاننان كەيٸن Huawei كومپانيياسىنا جۇمىسقا تۇرۋعا جاعداي جاسالادى. بٸز ٷشٸن بۇدان ارتىق موتيۆاتسييا بار ما?! اكادەمييا قابىرعاسىندا اقپاراتتىق كوممۋنيكاتسييالىق جەلٸلەر مەن بۇلارمەن بايلانىستى زاماناۋي ستاندارتتاردى جەنە ولاردىڭ قاۋٸپسٸزدٸگٸن ساقتاۋدىڭ امال-تەسٸلدەرٸن ٷيرەنەمٸز.
كۋرستى تاڭداۋعا كەلگەندە كەڭشٸلٸك جاسالعان, بولاشاقتا زور سۇرانىسقا يە بولاتىن جاساندى ينتەللەكت پەن بۇلتتى تەحنولوگييالاردى تاڭداۋعا بولادى», – دەيدٸ وسى ورايدا الماتىداعى ەنەرگەتيكا جەنە بايلانىس ۋنيۆەرسيتەتٸنٸڭ ستۋدەنتٸ كەمال سەيدۋەليەۆ.
كۋرستى اياقتاعاننان كەيٸن ستۋدەنتتەر حالىقارالىق ٷلگٸدەگٸ سەرتيفيكات الۋ ٷشٸن ەمتيحان تاپسىرا الادى. جاھاندىق دەڭگەيدە مويىندالعان قۇجات جاستارعا ەل ٸشٸلٸك جەنە شەتەلدٸك كومپانييالارعا ەش قيىندىقسىز جۇمىسقا ورنالاسۋعا جول اشادى.
Huawei كومپانيياسى قازاقستانداعى ٸت سالاسىنىڭ ٶرٸسٸن كەڭەيتۋ ٷشٸن تالانتتى كادرلاردى كٶپتەپ «تەربيەلەپ», وسى باعىتتا ەلٸمٸزدەگٸ بارشا ۋنيۆەرسيتەتتەرمەن ەرٸپتەسٸپ جۇمىس ٸستەۋگە ەزٸر.
https://dalanews.kz/news/84712-industrialandyru-kartasy-elimizde
