قالادا جاستارعا بەرىلەتىن تۇرعىن ءۇي سەرتيفيكاتتارىنىڭ سوماسى 1 ملن تەڭگەدەن 1،5 ملن تەڭگەگە دەيىن ۇلعايتىلىپ، تۇرعىن ءۇي باعدارلامالارىنا قاتىسۋشىلاردىڭ ساناتى كەڭەيتىلگەنى بەلگىلى. جاستاردىڭ باسپانالى بولۋىنا اكىمدىك بارىنشا قولداۋ كورسەتىپ وتىر.
سوڭعى جىلدارى استانادا 23،5 مىڭعا جۋىق الەۋمەتتىك پاتەر سالىنعان. ماسەلەن 2018 جىلى – 1100 الەۋمەتتىك پاتەر، 2019 جىلى – 2900 الەۋمەتتىك پاتەر سالىنسا، 2020-2022 جىلدارى 20،5 مىڭ الەۋمەتتىك پاتەر سالىنىپ، قالا تۇرعىندارىنا تابىستالدى.
بۇدان بولەك قۇرىلىسى ۇزاققا سوزىلعان نىسانداردى اياقتاۋ، ءقاۋىپتى تۇرعىن ءۇي كەشەندەرىن جوندەۋ، اپاتتى كۇيدەگى ءارى توزىعى جەتكەن تۇرعىن ۇيلەردى بۇزۋ جۇمىستارى دا جۇيەلى تۇردە جۇزەگە اسىپ كەلەدى.
سوڭعى ءۇش جىلدا اپاتتى ۇيلەردەن 700-گە جۋىق وتباسى قونىس اۋدارعانىن دا ايتا كەتۋىمىز كەرەك. الداعى ۋاقىتتا تاعى 300-دەن استام وتباسىنى كوشىرۋ جوسپارلانىپ وتىر. ەلوردا دامۋ باعدارلاماسى باستالعالى بەرى اپاتتى ۇيلەردەن 4200 وتباسى قونىس اۋداردى.
