Astanada jastarǵa arnalǵan arnaıy turǵyn úı baǵdarlamasy bar. Osy baǵdarlamanyń arqasynda myńdaǵa jas qonys toıyn toılap, ómirden óz jolyn taýyp jatyr desek artyq aıtqandyq bolmas edi. Osylaısha bas qalada jastardyń áleýmettik jaǵdaıyn jaqsartýǵa barynsha kóńil bólinýde.

Qalada jastarǵa beriletin turǵyn úı sertıfıkattarynyń somasy 1 mln teńgeden 1,5 mln teńgege deıin ulǵaıtylyp, turǵyn úı baǵdarlamalaryna qatysýshylardyń sanaty keńeıtilgeni belgili. Jastardyń baspanaly bolýyna ákimdik barynsha qoldaý kórsetip otyr.

Sońǵy jyldary Astanada 23,5 myńǵa jýyq áleýmettik páter salynǵan. Máselen 2018 jyly – 1100 áleýmettik páter, 2019 jyly – 2900 áleýmettik páter salynsa, 2020-2022 jyldary 20,5 myń áleýmettik páter salynyp, qala turǵyndaryna tabystaldy.

Budan bólek qurylysy uzaqqa sozylǵan nysandardy aıaqtaý, qaýipti turǵyn úı keshenderin jóndeý, apatty kúıdegi ári tozyǵy jetken turǵyn úılerdi buzý jumystary da júıeli túrde júzege asyp keledi.

Sońǵy úsh jylda apatty úılerden 700-ge jýyq otbasy qonys aýdarǵanyn da aıta ketýimiz kerek. Aldaǵy ýaqytta taǵy 300-den astam otbasyny kóshirý josparlanyp otyr. Elorda Damý baǵdarlamasy bastalǵaly beri apatty úılerden 4200 otbasy qonys aýdardy.