الداعى جىلدارى قازاقستان ۋربانيزاسياعا ودان سايىن ۇشىراي تۇسەدى. 2050 جىلى ەل حالقىنىڭ تەڭ جارتىسى باستى ءۇش قالا - استانادا، الماتىدا جانە شىمكەنتتە تۇرادى. مۇنداي بولجامدى ەسەپ-قيساپپەن ەڭبەك جانە حالىقتى الەۋمەتتىك قورعاۋ مينيسترلىگى ەڭبەك رەسۋرستارىن دامىتۋ ورتالىعى ءبولىستى، دەپ جازادى Dalanews.kz.

اتالعان ورتالىقتىڭ بولجاۋ جانە زەرتتەۋ دەپارتامەنتىنىڭ ساراپشىلارى تۋۋ، ءولىم جانە كوشى-قون كورسەتكىشتەرى نەگىزىندە دەموگرافيالىق بولجامىن دايىندادى.

"تالداۋعا سايكەس، 2030 جىلعا قاراي قازاقستاننىڭ قالا حالقىنىڭ سانى 13% - عا ارتىپ، 14 ملن ادامعا جەتەدى، ال 2050 جىلعا قاراي 57% - عا ءوسىپ، 19،3 ميلليوندى قۇرايدى. سونىمەن بىرگە، 2030 جىلعا قاراي اۋىل حالقىنىڭ سانى تەك 1%-عا، 7،7 ملن ادامعا دەيىن، ال 2050 جىلعا قاراي-شامامەن 9%-عا، 8،2 ملن ادامعا دەيىن وسەدى"، دەلىنگەن حابارلامادا.

بولجام بويىنشا، قالا حالقىنىڭ سانى 2030 جىلعا قاراي بازالىق سەناريي كەزىندە استانا قالاسىندا – 538،3 مىڭ ادامعا نەمەسە 39%-عا، 1،9 ملن ادامعا دەيىن، الماتى قالاسىندا – 469،3 مىڭ ادامعا نەمەسە 21% - عا، 2 ملن 664 مىڭ ادامعا دەيىن، شىمكەنت قالاسىندا –209،6 مىڭ ادامعا نەمەسە 17% - عا وسەدى، ناتيجەسىندە 1 ملن 416 مىڭ ادامعا جەتەدى. بۇل رەتتە ءۇش مەگاپوليستىڭ حالقى قالا حالقىنىڭ جالپى سانىنىڭ 43%-ىن قۇرايتىن بولادى، ال 2050 جىلعا قاراي بۇل كورسەتكىش 51%-عا دەيىن ۇلعايادى.

بۇدان باسقا، وڭىرلىك بولىنىستە قالا حالقى ماڭعىستاۋ وبلىسىندا 79،2 مىڭ ادامعا، اقتوبە وبلىسىندا 70،3 مىڭ ادامعا، تۇركىستاندا 62،4 مىڭ ادامعا وسەدى. بۇل رەتتە شىعىس قازاقستان، سولتۇستىك قازاقستان جانە پاۆلودار وبلىستارىندا قالا حالقىنىڭ سانى ازايۋى مۇمكىن.

2030 جىلعا قاراي اۋىل حالقىنىڭ ءوسىمى 2023 جىلمەن سالىستىرعاندا تەك بەس وڭىردە كۇتىلەدى:

• الماتى وبلىسىندا 140،8 مىڭ ادامعا،
• تۇركىستاندا 94،7 مىڭ ادامعا،
• ماڭعىستاۋدا 58،1 مىڭ ادامعا،
• قىزىلوردا وبلىسىندا 26 مىڭ ادامعا
• اتىراۋدا 21،5 مىڭ ادامعا.

2030 جىلعا قاراي اۋىل حالقىنىڭ ەداۋىر ازايۋى قوستاناي وبلىسىندا، اباي وبلىسىندا جانە سولتۇستىك قازاقستان وبلىسىندا بولجانىپ وتىر، وندا ازايۋ تيىسىنشە 37،1 مىڭ، 35،2 مىڭ جانە 33،8 مىڭ ادامدى قۇرايدى.

2050 جىلعا قاراي ەردو تالداۋشىلارىنىڭ ەسەپتەۋلەرىنە سايكەس، بولجامنىڭ بازالىق نۇسقاسى كەزىندە ماڭعىستاۋ وبلىسى مەگاپوليستەردى ەسەپتەمەگەندە قالا حالقىنىڭ ءوسىمى بويىنشا كوشباسشى بولادى.

ءوڭىر قالالارىندا 736،6 مىڭ ادام تۇرادى، بۇل 2023 جىلمەن سالىستىرعاندا 384 مىڭعا نەمەسە 2،1 ەسە كوپ. تۇركىستان وبلىسىندا ءوسىم 355 مىڭ ادامدى قۇرايدى، بۇل 878،7 مىڭ ادامعا دەيىن، ياعني 1،7 ەسە وسۋگە سايكەس كەلەدى. اقتوبە وبلىسىندا قالا تۇرعىندارىنىڭ سانى 307 مىڭ ادامعا ءوسىپ، 1 ملن ادامدى قۇرايدى (2023 جىلعا قاراي+44%). قالا تۇرعىندارى سانىنىڭ ازايۋى پاۆلودار، شىعىس قازاقستان جانە سولتۇستىك قازاقستان وبلىستارىندا بولجانادى، تيىسىنشە 7%، 6% جانە 5%-عا قىسقارادى.

"اۋىل حالقىنىڭ سانى قازاقستاننىڭ وڭتۇستىك جانە باتىس وڭىرلەرىندە وسەدى. الماتى وبلىسىندا ءوسىم 658 مىڭ بولىپ 1 ملن 931 مىڭ ادامعا جەتەدى، بۇل 2023 جىلعى كورسەتكىشتەن 52% - عا ارتىق. تۇركىستان وبلىسىندا اۋىل حالقى 495،2 مىڭعا دەيىن ءوسىپ، 2 ملن 102 مىڭ ادامدى قۇرايدى. ماڭعىستاۋ وبلىسىندا اۋىل حالقىنىڭ سانى 2050 جىلى 709 مىڭ ادامدى قۇراۋى مۇمكىن، بۇل 2023 جىلمەن سالىستىرعاندا 284،7 مىڭعا كوپ"، - دەيدى ساراپشىلار.

اۋىل تۇرعىندارى سانىنىڭ ەڭ كوپ ازايۋى قوستاناي وبلىسىندا كۇتىلۋدە – 163،6 مىڭ ادامعا قىسقارىپ 151،7 مىڭ ادامدى قۇرايدى، بۇل 2023 جىلمەن سالىستىرعاندا 52% - عا از. اباي وبلىسىندا 149،6 مىڭ ادامعا ازايىپ، حالىق سانى 87،6 مىڭ ادامدى قۇرايدى. سولتۇستىك قازاقستان وبلىسىندا اۋىل حالقىنىڭ سانى 2050 جىلعا قاراي 141،6 مىڭ ادامعا قىسقارىپ، 131،3 مىڭ ادام بولادى.