بيىل قازاقستان جٷكتٸ ەيەلدەرگە مامانداندىرىلعان كٶمەكتٸڭ قولجەتٸمدٸلٸگٸن كەڭەيتتٸ جەنە تۋا بٸتكەن دامۋ كەمٸستٸكتەرٸن ەرتە انىقتاۋ جٷيەسٸن كٷشەيتتٸ, دەپ حابارلايدى Dalanews.kz.
18 پەريناتالدىق ورتالىقتىڭ بازاسىندا «بٸر كٷندٸك كلينيكالار» جۇمىس ٸستەيدٸ, وندا 100 مىڭعا جۋىق جٷكتٸ ەيەل بٸر رەتتٸك كەلۋ شەڭبەرٸندە زەرتتەپ-قاراۋلاردى قوسا العاندا, 500 مىڭنان استام قىزمەت الدى.
باعدارلامانى ٸسكە اسىرۋ ۇرىقتىڭ تۋا بٸتكەن كەمٸستٸكتەرٸن انىقتاۋدىڭ 13%-عا ٶسۋٸنە, پرەناتالدىق سكرينينگتەرمەن قامتۋدىڭ 8%-عا ۇلعايۋىنا, دامۋ كەمٸستٸكتەرٸنەن نەرەستە ٶلٸمٸنٸڭ 15%-عا جەنە دامۋ كەمٸستٸكتەرٸنەن باستاپقى مٷگەدەكتٸكتٸڭ 7,5%-عا تٶمەندەۋٸنە ەكەلدٸ.
جوعارى تەحنولوگييالىق كٶمەك دامۋدا: فەتالدىق حيرۋرگييا ەنگٸزٸلدٸ. 2025 جىلى 92 جاتىرٸشٸلٸك وپەراتسييا جاسالدى, 105 بولاشاق نەرەستەنٸڭ ٶمٸرٸ ساقتالدى. كٶپ ۇرىقتى 79 جٷكتٸ ەيەل سەتتٸ بوساندى.
ۋاقتىلى مامانداندىرىلعان كٶمەكتٸ قامتاماسىز ەتۋ ٷشٸن 22 وبلىستىق پەريناتالدىق ورتالىقتا ۇرىقتى قورعاۋ ورتالىقتارى قۇرىلدى.
2025 جىلدىڭ 9 ايىنىڭ قورىتىندىسى بويىنشا نەرەستە ٶلٸمٸ تاريحي ەڭ تٶمەنگٸ دەڭگەيگە جەتتٸ — 1000 تٸرٸ تۋعان نەرەستەگە شاققاندا 5,84, بۇل 2024 جىلدىڭ سەيكەس كەزەڭٸمەن سالىستىرعاندا 19,3%-عا تٶمەن.
10 ايدا جاڭا تۋعان نەرەستەلەردٸڭ ٶلٸمٸ 1 مىڭ تٸرٸ تۋعان نەرەستەگە شاققاندا 3,4-تەن 3,1-گە دەيٸن تٶمەندەدٸ.
