Biyl Qazaqstan júkti áielderge mamandandyrylǵan kómektiń qoljetimdiligin keńeitti jáne týa bitken damý kemistikterin erte anyqtaý júiesin kúsheitti, dep habarlaidy Dalanews.kz.
18 perinataldyq ortalyqtyń bazasynda «Bir kúndik klinikalar» jumys isteidi, onda 100 myńǵa jýyq júkti áiel bir rettik kelý sheńberinde zerttep-qaraýlardy qosa alǵanda, 500 myńnan astam qyzmet aldy.
Baǵdarlamany iske asyrý uryqtyń týa bitken kemistikterin anyqtaýdyń 13%-ǵa ósýine, prenataldyq skriningtermen qamtýdyń 8%-ǵa ulǵaiýyna, damý kemistikterinen náreste óliminiń 15%-ǵa jáne damý kemistikterinen bastapqy múgedektiktiń 7,5%-ǵa tómendeýine ákeldi.
Joǵary tehnologiialyq kómek damýda: fetaldyq hirýrgiia engizildi. 2025 jyly 92 jatyrishilik operatsiia jasaldy, 105 bolashaq náresteniń ómiri saqtaldy. Kóp uryqty 79 júkti áiel sátti bosandy.
Ýaqtyly mamandandyrylǵan kómekti qamtamasyz etý úshin 22 oblystyq perinataldyq ortalyqta Uryqty qorǵaý ortalyqtary quryldy.
2025 jyldyń 9 aiynyń qorytyndysy boiynsha náreste ólimi tarihi eń tómengi deńgeige jetti — 1000 tiri týǵan nárestege shaqqanda 5,84, bul 2024 jyldyń sáikes kezeńimen salystyrǵanda 19,3%-ǵa tómen.
10 aida jańa týǵan nárestelerdiń ólimi 1 myń tiri týǵan nárestege shaqqanda 3,4-ten 3,1-ge deiin tómendedi.
