2024 جىلى استانادا التى قۇرىلىس كومپانياسى ليسەنزياسىنان ايىرىلدى. سونىمەن قاتار زاڭ تالاپتارى مەن قۇرىلىس نورمالارىنىڭ بۇزىلۋىنا بايلانىستى سوتتارعا 180-نەن استام تالاپ-ارىز جولداندى. بۇل تۋرالى قالا اكىمى جەڭىس قاسىمبەك ءوزىنىڭ Instagram پاراقشاسىندا مالىمدەدى، دەپ حابارلايدى Dalanews.kz.
جالپى، وتكەن جىلى ەلوردادا 431 جوسپاردان تىس تەكسەرۋ جۇرگىزىلىپ، ناتيجەسىندە 600-گە جۋىق زاڭ بۇزۋشىلىق انىقتالعان.
"سوت شەشىمىمەن ءتورت نىسان ءسۇرىلدى، سەبەبى ولاردىڭ قۇرىلىسى جەرگە يەلىك ەتۋ قۇقىعىنسىز باستالعان"، - دەدى جەڭىس قاسىمبەك.
استانا اكىمى قۇرىلىس نىساندارىنا باقىلاۋ بيىل دا كۇشەيتىلەتىنىن اتاپ ءوتتى.
