2024 جىلعى قاڭتار-قىركٷيەك ارالىعىندا "قازترانسويل" اق ماگيسترالدىق مۇناي قۇبىرلارى جٷيەسٸمەن 33 ملن 653 مىڭ توننا مۇناي تاسىمالداندى, بۇل 2023 جىلدىڭ 9 ايىنا قاراعاندا 1 ملن 237 مىڭ تونناعا ارتىق, دەپ حابارلايدى Dalanews.kz.
ەلدەگٸ مۇناي ٶڭدەۋ زاۋىتتارىنا مۇناي تاسىمالداۋ كٶلەمٸ 2023 جىلدىڭ ۇقساس كەزەڭٸنٸڭ كٶرسەتكٸشٸ دەڭگەيٸندە ساقتالىپ 13 ملن 93 مىڭ توننانى قۇرادى. اتىراۋ مۇناي ٶڭدەۋ زاۋىتىنا 4 ملن 404 مىڭ توننا مۇناي, "پەتروقازاقستان ويل پروداكتس" جشس-عا 4 ملن 132 مىڭ توننا مۇناي, پاۆلودار مۇناي-حيمييا زاۋىتىنا 3 ملن 937 مىڭ توننا مۇناي, "CASPI BITUM" بك" جشس-عا 621 مىڭ توننا مۇناي جەتكٸزٸلدٸ.
"ٶزەن – اتىراۋ - سامارا" ماگيسترالدىق مۇناي قۇبىرىنىڭ "اتىراۋ - سامارا" ۋچاسكەسٸ بويىنشا مۇناي تاسىمالداۋ كٶلەمٸ 7 ملن 424 مىڭ توننانى قۇرادى, بۇل 2023 جىلدىڭ 9 ايىنىڭ كٶرسەتكٸشٸمەن سالىستىرعاندا 125 مىڭ تونناعا ارتىق.
قازاقستان رەسپۋبليكاسىنىڭ اۋماعىندا ورنالاسقان "تون-2" مۇناي قۇبىرى ۋچاسكەسٸ بويىنشا 8 ملن 725 مىڭ توننا مۇناي تاسىمالداندى, بۇل 2023 جىلدىڭ 9 ايىنىڭ كٶرسەتكٸشٸمەن سالىستىرعاندا 401 مىڭ تونناعا ارتىق.
"اتاسۋ - الاشاڭقاي" ماگيسترالدىق مۇناي قۇبىرىنا 8 ملن 361 مىڭ توننا مۇنايدى اۋىستىرىپ تيەۋ جٷزەگە اسىرىلدى. 2023 جىلدىڭ ۇقساس كەزەڭٸمەن سالىستىرعاندا كٶرسەتكٸش 77 مىڭ تونناعا تٶمەن.
"كاسپيي قۇبىر كونسورتسيۋمى-ق" اق جٷيەسٸنە مۇنايدى اۋىستىرىپ تيەۋ كٶلەمٸ 3 ملن 347 مىڭ توننانى قۇرادى, بۇل 2023 جىلدىڭ 9 ايىنىڭ كٶرسەتكٸشٸنەن 1 ملن 225 مىڭ تونناعا ارتىق.
"قازترانسويل" اق-تىڭ قۋاتتارىن پايدالانا وتىرىپ, اقتاۋ پورتىندا تانكەرلەرگە مۇناي قۇيۋ 2 ملن 556 مىڭ توننانى قۇرادى, بۇل 2023 جىلدىڭ 9 ايىنىڭ كٶرسەتكٸشٸمەن سالىستىرعاندا 71 مىڭ تونناعا ارتىق.
ماگيسترالدىق مۇناي قۇبىرلارى جٷيەسٸ ارقىلى مۇنايدىڭ جٷك اينالىمى جەكە "قازترانسويل" اق بويىنشا 26 ملرد 197 ملن توننا-كيلومەتردٸ قۇرادى, بۇل 2023 جىلدىڭ ۇقساس كەزەڭٸندەگٸ كٶرسەتكٸشتەن 1 ملرد 45 ملن توننا-كيلومەترگە ارتىق.
"قازترانسويل" اق مۇنايىنىڭ شوعىرلاندىرىلعان جٷك اينالىمى 33 ملرد 300 ملن توننا-كيلومەتردٸ قۇرادى, بۇل 2023 جىلدىڭ 9 ايىنا قاراعاندا 1 ملرد 63 ملن توننا-كيلومەترگە ارتىق.
"قازاقستان-قىتاي قۇبىرى" جشس مۇناي قۇبىرلارى جٷيەسٸ بويىنشا 13 ملن 833 مىڭ توننا مۇناي تاسىمالداندى, بۇل 2023 جىلدىڭ ۇقساس كەزەڭٸندەگٸ كٶرسەتكٸشتەن 80 مىڭ تونناعا تٶمەن. مۇناي جٷك اينالىمى 12 ملرد 438 ملن توننا-كيلومەتردٸ قۇرادى, بۇل 2023 جىلدىڭ 9 ايىنىڭ نەتيجەسٸنەن 94 ملن توننا-كيلومەترگە تٶمەن.
"مۇنايتاس" سبقك" جشس مۇناي قۇبىرى بويىنشا مۇناي تاسىمالداۋ كٶلەمٸ 4 ملن 235 مىڭ توننانى قۇرادى, بۇل 2023 جىلدىڭ ۇقساس كەزەڭٸندەگٸ كٶرسەتكٸشتەن 248 مىڭ تونناعا ارتىق. مۇناي جٷك اينالىمى 128 ملن توننا-كيلومەترگە ارتىپ, 1 ملرد 734 ملن توننا-كيلومەترگە جەتتٸ.
"باتۋمي مۇناي تەرمينالى" جشق كومپانييالارىنىڭ توبى بويىنشا مۇنايدى, مۇناي ٶنٸمدەرٸ مەن گازدى اۋىستىرىپ قۇيۋ كٶلەمٸ 1 ملن 463 مىڭ توننانى قۇرادى, بۇل 2023 جىلدىڭ ۇقساس كەزەڭٸمەن سالىستىرعاندا 250 مىڭ تونناعا ارتىق.
قازاقستاننىڭ اتىراۋ جەنە ماڭعىستاۋ وبلىستارىنىڭ تۇتىنۋشىلارىنا "استراحان - ماڭعىشلاق" سۋ قۇبىرى بويىنشا "ماگيسترالدىق سۋاعىزعى" جشس 20 ملن 511 مىڭ تەكشە مەتر تۇششى سۋ بەردٸ, 2023 جىلدىڭ 9 ايىمەن سالىستىرعاندا سۋ جەتكٸزۋ كٶلەمٸنٸڭ تٶمەندەۋٸ 1 ملن 527 مىڭ تەكشە مەتردٸ قۇرادى.
ايتا كەتسەك, "قازترانسويل" اق - قازاقستان رەسپۋبليكاسىنىڭ ماگيسترالدىق مۇناي قۇبىرى بويىنشا ۇلتتىق وپەراتورى, "قازمۇنايگاز" ۇك اق توبىنا كٸرەدٸ. ۇزىندىعى 5,4 مىڭ شاقىرىم ماگيسترالدىق مۇناي قۇبىرلارىنىڭ ەرتاراپتاندىرىلعان جەلٸسٸنە يە.
