2024 جىلدىڭ III توقسانىندا ەكٸنشٸ دەڭگەيلٸ بانكتەر مەن بانكتٸك ەمەس جەكەلەگەن ايىرباستاۋ پۋنكتەرٸندە جالپى سالماعى 475,5 كەلٸنٸڭ 13 940 التىن قۇيماسى ساتىلدى, دەپ حابارلايدى Dalanews.kz قر ۇلتتىق بانكتٸڭ باسپاسٶز قىزمەتٸنە سٸلتەمە جاساپ.
حالىققا تازارتىلعان التىن قۇيمالاردى ساتۋ جەنە ساتىپ الۋ باعدارلاماسىن (بۇدان ەرٸ – باعدارلاما) ۇلتتىق بانك 2017 جىلى ٸسكە قوسقان بولاتىن. باعدارلاما قولعا الىنعالى جالپى سالماعى 7,4 توننا 199 235 التىن قۇيما ساتىلدى.
التىن قۇيمالار بەس تٷرلٸ سالماقتا ۇسىنىلادى: 5, 10, 20, 50 جەنە 100 گ. ساتىپ الۋشىلار اراسىندا ٶتە جوعارى سۇرانىسقا يە تٷرٸ – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ٷلەسٸ 24% – 48 629 دانا. ودان كەيٸن 100 گرامدىق التىن قۇيما – 47 227 دانا (24%), 5 گرامدىق قۇيما – 44 127 دانا (22%), 20 گرامدىق قۇيما – 31 612 دانا (16%), جەنە 50 گراممدىق قۇيما – 27 640 دانا (14%).
2024 جىلعى III توقساندا التىن قۇيمالاردىڭ ەڭ كٶپ بٶلٸگٸ مىنا ٶڭٸرلەردە ساتىلدى: الماتىدا (8 101 دانا, 58%), شىمكەنتتە (1 279 دانا, 9%) جەنە استانادا (1 243 دانا, 9%).
"التىن قۇيمالار سەنٸمدٸ ينۆەستيتسييا قۇرالى بولا الادى. التىن قۇيمالار نارىعىنداعى ٶتٸمدٸلٸكتٸڭ باستى كەپٸلٸ – بانك پەن بانكتٸك ەمەس ايىرباستاۋ پۋنكتەرٸ كليەنتكە اقشانى سول كٷنٸ تٶلەي وتىرىپ, التىن قۇيمالاردى كەرٸ ساتىپ الا الادى. باعدارلاما جٷزەگە اسقالى ەكٸنشٸ دەڭگەيلٸ بانكتەر مەن بانكتٸك ەمەس جەكەلەگەن پۋنكتەر جالپى سالماعى 1,1 توننا 41 058 التىن قۇيمانى كەرٸ ساتىپ العان. بۇل – جالپى ساتىلعان التىن قۇيمالاردىڭ 21%-ى. ولار كەرٸ ساتىپ الۋعا قابىلداعان ٶلشەمەلٸ قۇيمالاردىڭ بارلىعى حالىققا ۇلتتىق بانكتٸڭ فيليالدارىنا كەرٸ تاپسىرۋسىز ساتىلادى", دەلٸنگەن ۇلتتىق بانك حابارلاماسىندا.
ەربٸر قۇيما قورعاۋ ەلەمەنتتەرٸمەن قاپتالعان (قۇيمانىڭ اينا بەتٸ, ميكروتەكست جەنە بەدەرلٸ جيەگٸ بار) جەنە مەحانيكالىق زاقىمدانۋدان قورعايتىن ارنايى قوراپقا سالىنىپ شىعادى. سول ارقىلى قۇيمانىڭ اشىلعان-اشىلماعانىن وڭاي تەكسەرۋگە بولادى. قورعاپ تۇراتىن قوراپ سونداي-اق ساپا سەرتيفيكاتى بولىپ سانالادى. سوندىقتان, التىن قۇيمانى ۇقىپتى ساقتاپ, قورابىن بٷلدٸرمەۋگە كەڭەس بەرەمٸز.
قازٸر التىن قۇيمالاردى بٸرقاتار ەكٸنشٸ دەڭگەيلٸ بانكتەردە, سونداي-اق بانكتٸك ەمەس جەكەلەگەن پۋنكتەردەن ساتىپ الىپ, كەرٸ ساتۋعا بولادى.
