ءوز سۇحباتىندا كەلەسى پرەزيدەنتتىڭ كىم بولاتىنى تۋرالى سۇراققا اشىق جاۋاپ بەرگەن نازاربايەۆ ءوز بالالارى تاق مۇراگەرى بولمايتىنىن ايتقان ەدى.
پرەزيدەنت قازاقستان بيلىگىنىڭ كونستيتۋسياعا ساي اۋىساتىنىن، بارلىق پروسەستىڭ تەك زاڭ شەڭبەرىندە جۇزەگە اساتىنىن جەتكىزگەن.
ەلباسى سونداي-اق قازاقستان پرەزيدەنتى بولىپ سايلانعان ادامنىڭ 5 جىلدان 2 مارتە سايلانا الاتىنىن ەسكەرتىپ، ءوز جوسپارلارىن جۇزەگە اسىرۋعا بارلىق قاجىر-قايراتىن جۇمسايتىنىن جەتكىزگەن.
«مەن 2020 جىلعا دەيىن جۇمىس ىستەيمىن، 2020 جىلى جۇزدەسەيىك»، - دەگەن ەدى ەلباسى Bloomberg تىلشىلەرىنە.
بيىلعى جىلدىڭ ناۋرىزىندا نازاربايەۆ پرەزيدەنتتىكتەن كەتەتىنىن ايتىپ، بيلىكتى سەنات سپيكەرى قاسىم-جومارت توقايەۆقا تاپسىردى. ماۋسىم ايىندا وتكەن پرەزيدەنت سايلاۋىندا توقايەۆ 70 پايىزدان استام داۋىس جيناپ جەڭىسكە جەتتى.
سايلاۋدان كەيىنگى سوزىندە ول "قازاقستاندى ادىلەتتى ەلگە اينالدىراتىنىن" ايتتى.
