قاراعاندىلىق 26 جاستاعى ازامات 32 تۇتىنۋشىنى الداپ، 20 ملن تەڭگە يەمدەندى دەگەن كۇدىكپەن ماڭعىستاۋ وبلىسىندا قولعا ءتۇستى، دەپ حابارلايدى Dala news.
پوليسيانىڭ مالىمەتىنشە، ول ءوزىن تەرەزە ورناتۋ شەبەرى رەتىندە تانىستىرىپ، قىزمەت كورسەتۋ ءۇشىن الدىن الا تولەم العان. الايدا اقشانى العان سوڭ تاپسىرىستاردى ورىنداماي، بايلانىسقا شىقپاي كەتكەن.
كۇدىكتى ماڭعىستاۋ وبلىسىنداعى جالدامالى پاتەرلەردىڭ بىرىندە ۇستالعان. وعان قاتىستى 32 الاياقتىق دەرەگى ءبىر قىلمىستىق ىسكە بىرىكتىرىلگەن. جالپى شىعىن كولەمى 20 ملن تەڭگەنى قۇرايدى.
قازىرگى ۋاقىتتا ول قاماۋعا الىندى.
قۇقىق قورعاۋ ورگاندارى ازاماتتاردى قىزمەتكە الدىن الا تولەم جاساماس بۇرىن ورىنداۋشىنىڭ بەدەلى مەن قۇجاتتارىن مۇقيات تەكسەرۋگە شاقىردى.
