Qaraǵandylyq 26 jastaǵy azamat 32 tutynýshyny aldap, 20 mln teńge iemdendi degen kúdikpen Mańǵystaý oblysynda qolǵa tústi, dep habarlaidy Dala news.
Politsiianyń málimetinshe, ol ózin tereze ornatý sheberi retinde tanystyryp, qyzmet kórsetý úshin aldyn ala tólem alǵan. Alaida aqshany alǵan soń tapsyrystardy oryndamai, bailanysqa shyqpai ketken.
Kúdikti Mańǵystaý oblysyndaǵy jaldamaly páterlerdiń birinde ustalǵan. Oǵan qatysty 32 alaiaqtyq deregi bir qylmystyq iske biriktirilgen. Jalpy shyǵyn kólemi 20 mln teńgeni quraidy.
Qazirgi ýaqytta ol qamaýǵa alyndy.
Quqyq qorǵaý organdary azamattardy qyzmetke aldyn ala tólem jasamas buryn oryndaýshynyń bedeli men qujattaryn muqiiat tekserýge shaqyrdy.
